政府檔案處

政府檔案處（英文：Government Records Service，縮寫：GRS）係香港政府行政署轄下部門，喺1989年成立，負責處理同保存香港政府資料同歷史檔案。

政府檔案處下設四個小組：歷史檔案館、檔案保存及修復服務組、檔案系統發展組、檔案管理及行政組。

歷史[編輯]

1972年7月24號，歷史檔案處（Public Records Office）成立，喺斐濟來嘅澳洲人戴雅文做主任。歷史檔案處設喺花園道1號A，美利大廈毗鄰嘅公眾停車場入低一棟兩層高樓仔。棟樓盒狀構造，山形屋頂，原先係一間軍用廚房同軍械貯物室，佔地得啲咁多。檔案庫好快飽和^[1]。

1974年9月，歷史檔案處遷到美梨道（今譯美利道）2號美梨道多層停車場大廈，佔據地下同閣樓，佔地約五百平方米。1995年7月20號，政府將檔案處遷去屯門政府貯物中心，將美利道2號原址劃畀廉政公署。不過，輿論認為屯門交通不便，而檔案處職員認為屯門選址隔籬係存有危險品嘅工業區，風險太大，不利保存歷史檔案。卒之喺九龍觀塘翠屏道13號興建香港歷史檔案大樓，作為永久館址^[1]。