效率促進辦公室

出自維基百科,自由嘅百科全書
(由效率促進組跳轉過嚟)
跳去導覽 跳去搵嘢

效率促進辦公室(簡稱效率辦英文Efficiency Office)係香港特別行政區政府創新及科技局轄下嘅部門,喺1992年5月成立,當時叫做效率促進組。2018年4月1號,效率促進組由政務司司長辦公室撥歸創新及科技局,並改名做效率促進辦公室。

簡介[編輯]

效率促進辦公室透過推動同促進變革改進公共服務同相關嘅管理,令到呢啲服務以更方便使用者同有效嘅方式應對社會嘅需要。透過公共服務使用者、提供者、分析,收集見解同諗法,並加以應用,目標係促進個別機構同政府充份合作,為香港提供及時、綜合同設計得宜嘅服務。

工作[編輯]

效率促進辦公室同公共服務單位同受監管機構攜手合作,加強公共服務嘅效率同成效。提供管理顧問服務,並透過學習、設計、示範,支持創新。

管理顧問[編輯]

管理顧問團隊以一系列服務,靈活噉協助公共服務單位。經過培訓嘅管理參議主任職系同事,服務喺效率促進辦公室、五個決策局同十個部門。

以民為本服務[編輯]

給予建議並協助公共服務單位設計同提供更多以民為本服務;亦營運多個項目,包括1823電話中心、政府青少年網站、社會創新及創業發展基金嘅項目,藉此將以民為本嘅創新意念引入公共服務。

方便營商[編輯]

負責協調政府有關方便營商嘅工作,統籌相關決策局同部門喺支援方便營商諮詢委員會同轄下工作小組方面嘅工作。積極推展「精明規管」計劃以改善規管環境,方便營商。

團隊[編輯]

效率促進辦公室嘅專業團隊由管理參議主任同埋唔同職系嘅公務員組成,包括行政主任職系、文書、秘書職系。為引進新經驗同觀點,亦會聘請設計、傳媒、巿場推廣、資訊科技嘅專業人員成為團隊嘅一分子。

出面網頁[編輯]