青茂口岸

出自維基百科,自由嘅百科全書
跳去導覽 跳去搵嘢
青茂陸路(公路)口岸
202011QM.jpg
國家(地區)中華人民共和國 中華人民共和國
位置廣東省珠海市香洲區
出入境
管理機關
珠海出入境邊防檢查總站
青茂出入境邊防檢查站
海關拱北海關
對應口岸澳門 青茂口岸澳門邊檢大樓
開通日期2021年9月8號
青茂口岸澳門邊檢大樓
Edifício Posto Fronteiriço de Macau do Posto Fronteiriço QingMao
青茂口岸澳門邊檢大樓20200130.jpg
國家(地區)澳門 澳門特別行政區
位置澳門特別行政區澳門半島花王堂區
出入境
管理機關
治安警察局出入境管制廳
青茂口岸澳門邊檢大樓出入境事務站
海關澳門海關
對應口岸中華人民共和國 青茂陸路(公路)口岸
開通日期2021年9月8號
青茂口岸珠海站入口
青茂口岸澳門邊檢大樓

青茂口岸(又叫:粵澳新通道;葡萄牙文:Posto Fronteiriço de QingMao、英文:QingMao Port)係中華人民共和國一個地區性嘅陸路邊境口岸,喺廣東省珠海市香洲區,連接澳門青洲區城軌珠海站兩地,定位係獨立開放嘅信息化電子口岸,設計每日通關流量係20萬人次,以自助通關為主,淨係畀行人通行,冇車輛通道。跨越粵澳兩地,佔地面積大約28,000平方米。主要建設用地同建設內容喺澳門,少量設施架設喺鴨涌河上面[1]

青茂口岸澳門邊檢大樓(葡萄牙文:Edifício Posto Fronteiriço de Macau do Posto Fronteiriço QingMao、英文:QingMao Port-Macau Frontier Post Building)係澳門特別行政區廣東省珠海市第五條陸路跨境通道,實行24小時通關,即係將會成為第二個珠澳兩地全天候開放嘅正式口岸。邊檢大樓係繼港珠澳大橋澳門邊檢大樓同橫琴口岸澳門口岸區之後,第三個往返珠澳嘅出入境口岸採用「合作查驗,一次放行」嘅通關模式,旅客出境時會先接受澳方保安人員安全檢查先可以通過關檢區域,最後接受雙方人員證件查驗;而入境方面亦採取呢種方式。

國務院副總理汪洋喺2013年11月初訪澳期間,正式宣佈呢項項目已獲得中央批准同意建設。

模式[編輯]

粵澳新通道設置嘅新口岸將共用一個名,實施「合作查驗,一次放行」嘅通關模式。新通道口岸定位係僅供行人通行嘅電子自助專用口岸,實施全日24小時通關。

設施[編輯]

裝修緊嘅青茂口岸

鴨涌河上起大約400米長嘅全封閉旅客過境專用通道,實現廣珠城軌澳門輕軌嘅便捷對接。綜合治理鴨涌河,將佢打造成為一河兩岸嘅生態景觀長廊。建設集出入境聯檢大樓、輕軌站、巴士換乘站、的士站、停車場、公共房屋、社區設施、會展場地、配套設施同經濟型酒店於一身嘅綜合建築群。

青茂口岸澳門邊檢大樓 (南聯檢大樓)[編輯]

樓層分佈
10F-19F
辦公室樓層
9F
避火層
6F-8F
粵澳名優產品博覽中心
4F-5F
出入境部門辦公樓層
3F
出境大堂(澳門去珠海)/去青洲坊行人天橋
2F
入境大堂(珠海去澳門)
1F
上客區/的士站
GF
落客區
B1-B2
公共停車場

工程進度[編輯]

重起緊嘅青茂口岸澳門邊檢大樓,當時正進行安裝大樓字體、外牆同內部工程。

青茂口岸工程由2019年6月11號開始獲准每日施工,工作時間係朝早8點至夜晚10點,直至同年12月31號,星期日同公眾假期亦唔例外。呢個工程包括青茂口岸聯檢大樓、連接通道同鴨涌河綜合整治工程[2]

2020年11月16號,行政長官賀一誠發表2021年財政年度施政報告,表示青茂口岸喺2021年啟用[3]

澳門接駁交通同周邊配套[編輯]

公共巴士[編輯]

青茂口岸澳門邊檢大樓周邊交通嘅乘車指南 (至2022年3月中旬)

交通事務局話,青茂口岸周邊設有公共巴士站,將佢周邊現有嘅巴士站將會設多個分流站點分流乘客來往口岸。

M20 青洲坊總站(BAIRRO DA ILHA VERDE/TERMINAL

青洲坊皇朝(循環線)

青洲坊氹仔中央公園(循環線)

青洲坊 ↔ 海洋花園瞭望台

牧場街下環街市(循環線)

牧場街 ↺ 媽閣(循環線)

M6 青茂/鴨涌河變電站(QINGMAO / SUBESTAÇÃO CANAL DOS PATOS
M273 青茂/青蔥大廈(EDIFÍCIO CHENG CHONG
途經路線:8A2327N4
M60 青茂/何賢紳士馬路(AVENIDA DO COMENDADOR HO YIN/CHENG CHONG
途經路線:3X51AMT4
M67 青茂口岸(POSTO FRONTEIRIÇO QINGMAO
途經路線:9A51AMT4
M65 青茂/青洲坊(AVENIDA DO COMENDADOR HO YIN/BAIRRO DA ILHA VERDE
途經路線:51AH2路線MT4

的士[編輯]

  • 青茂口岸一樓嘅上客區設有的士站。

公共停車場及旅遊巴上落客區[編輯]

  • 青茂口岸地庫一層同二層設有公共停車場,設有350個私家車位同200個電單車位,加上鄰近嘅青洲坊大廈同青蔥大廈等公共房屋在內嘅公共停車場,合共提供2,384個私家車位同2,583個電單車位,口岸入面同周邊範圍一共有5,000幾個車位。
  • 旅遊巴上落客區喺舊驗車中心同市政署苗圃地段入面,初步預計可以提供25個停泊位

[4]

爭議同事故[編輯]

粵澳偷渡新通道[編輯]

喺青茂口岸起緊期間,珠澳偷渡團伙利用工程建設漏洞非法偷渡進入澳門,珠澳兩地警方雖然經過聯合採取行動但係成效唔顯著。甚至有澳門本地媒體將工程期間嘅偷渡常態叫做「粵澳偷渡新通道」。

  • 2019年10月24號,珠澳警方聯手偵破跨境偷渡集團,並拘捕九名男女,包括兩名主腦,有偷渡人士同樣地偽裝喺嗰度做嘢嘅地盤工人,等時機成熟時往返珠海同澳門[5]
  • 2020年10月16號,澳門司警偵破偷渡集團團伙利用青茂口岸工程漏洞偷渡進澳,拘捕團伙中嘅九名男女。有偷渡人士同樣偽裝喺嗰度做嘢嘅地盤工人,趁時機成熟例如放飯或者收工時間偷渡進入澳門[6]

勞資糾紛[編輯]

  • 2020年6月15號,青茂口岸發生勞資糾紛,事件起因係一批外僱工人同工程分判公司,就疫情期間停工三個月嘅工資補償同埋隔離期間相關費用等問題未達成共識而引起。事件發生後南粵集團隨即介入,經勞工事務局恊調後糾紛得以解決 [7]。」

事故[編輯]

  • 2020年9月10號凌晨12點幾,一名外地勞工喺工作時懷疑身體不適暈倒,經送院搶救後不治[8]

附近[編輯]

參考[編輯]

  1. 粵澳新通道簡介
  2. "朝八晚十直至年底 粵澳新通道工程獲准每日施工". 力報. 2019年6月11號. Italic or bold markup not allowed in: |newspaper= (help)
  3. "多項配套融入國家發展大局 青茂口岸明年啟用". 力報. 2020-11-16.
  4. "青茂口岸開通在即 周邊停車位近5,000個". 力報. 2021-05-05. 喺2021-05-05搵到.
  5. "青茂口岸工地變粵澳「偷渡新通道」? 珠澳警方聯手搗破偷渡集團". 力報. 喺2019-10-24搵到.
  6. "青茂口岸偷渡案再現 內地漢假扮地盤工偷渡入境". 力報. 喺2020-10-16搵到.
  7. "青茂口岸地盤勞資糾紛 南粵:已要求分判商妥善處理". 力報. 喺2020-06-16搵到.
  8. "粵澳新通道 – 青茂口岸聯檢大樓、連接通道及鴨涌河綜合整治工程今晨發生一宗意外事故 (2019-09-10)". 建設發展辦公室. 原著喺2021-04-04歸檔. 喺2019-09-10搵到.