澳門51A號巴士

出自維基百科,自由嘅百科全書

管理資訊
監管者 交通事務局
經營者 File:新福利.png新福利
路線用車
  • 蘇州金龍(海格)KLQ6115GQ
  • 蘇州金龍(海格)KLQ6108GQ28E4(K254-K308,K316-K340)
  • 蘇州金龍(海格)KLQ6108GQ28E5(K341-K355)

  • 路線資訊
    路線圖
    路線性質 來回

    服務資訊
    服務時間 朝早六點到凌晨十二點
    班次間隔 六到廿分鐘
    全程收費 六蚊葡幣
    主要競爭交通 3X51AP1AP1XMT4

    澳門51A巴士,係一條由新福利做緊,由海擎天總站來回蝴蝶谷大馬路總站嘅巴士線。

    背景[編輯]

    2016年8月29號,交通事務局優化林茂塘區來回祐漢、黑沙環公共巴士服務網,方便市民由林茂塘區來回祐漢、黑沙環、機場、路氹城同石排灣,所以開咗呢條線,畀咗新福利做[1]

    2016年12月10號,交通事務局優化路氹城區嘅巴士服務,去蝴蝶谷大馬路方向停完「新城大馬路/金光會展」巴士站之後加停「路氹城馬路/巴黎人」巴士站,去海擎天總站方向停完「連貫公路/新濠影匯」巴士站之後加停「路氹城馬路/新濠影匯」巴士站[2]

    2017年2月25號,交通事務局調整呢條線班次,禮拜一到六(公眾假期除外)班次調整做六到十八分鐘一班,禮拜日同公眾假期班次調整做六到廿分鐘一班;同埋為咗理順呢線嘅運作,唔再停「沙梨頭北街/筷子基北灣」巴士站,加停「筷子基社屋」巴士站[3]

    2017年4月18號,交通事務局將呢條線去蝴蝶谷大馬路方向,響停完「筷子基社屋」巴士站之後加停「關閘總站」巴士站[4]

    2017年5月20號,交通事務局調整呢條線班次,朝早九點到晚黑四點班次調整由平時十到十五分鐘、禮拜日同公眾假期十二到十五分鐘,改為平時十二到十五分鐘、禮拜日同公眾假期十五到十八分鐘[5]

    2017年9月30號,交通事務局將呢條線去蝴蝶谷大馬路方向,響停完「北安出入境事務廳」巴士站之後加停「氹仔客運碼頭」巴士站,去海擎天總站方向停完「機場圓形地/偉龍」巴士站之後加停「氹仔客運碼頭」巴士站[6]

    2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線同澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[7][8]

    2018年4月21號,交通事務局調整澳門巴士票價,呢條線嘅收費亦跟住調整:全程收費係六蚊葡幣,唔再分區收費。

    用車[編輯]

    2016年8月29號到2016年12月18號:蘇州金龍(海格)KLQ6115GQ 三門大巴。

    2016年12月19號開始:蘇州金龍(海格)KLQ6115GQ 三門大巴、蘇州金龍(海格)KLQ6108GQ28E4 雙門大巴。

    走線[編輯]

    車費[編輯]

    • 全程車費:六幣葡幣
    • 澳門通全民卡,只係扣3蚊,其餘由政府畀。
    • 用澳門通學生卡,只係扣1.5蚊,其餘由政府畀。
    • 用澳門通長者卡同殘疾卡,免費,全部由政府畀。

    服務[編輯]

    服務時間 禮拜一到五 禮拜六、日同公眾假期
    海擎天總站 朝早六點到凌晨十二點
    蝴蝶谷大馬路總站
    班次 繁忙時間六到十分鐘,普通時間十二到十五分鐘 繁忙時間八到十二分鐘,普通時間十五到廿分鐘

    停站[編輯]

    去蝴蝶谷大馬路總站方向 去海擎天總站方向
    1. 海擎天總站
    2. 筷子基社屋
    3. 何賢紳士大馬路/青蔥
    4. 關閘總站
    5. 看台街
    6. 中心街
    7. 勞動節大馬路
    8. 東北大馬路/保利達
    9. 北安出入境事務大樓
    10. 北安病毒核酸檢測站
    11. 氹仔客運碼頭
    12. 機場倉庫
    13. 澳門機場
    14. 偉龍/科大醫院
    15. 偉龍/科技大學
    16. 望德聖母灣馬路/連貫公路
    17. 新城大馬路/威尼斯人
    18. 路氹西/金光會展
    19. 路氹城馬路/巴黎人
    20. 蓮花圓形地-1
    21. 和諧廣場/業興大廈
    22. 蝴蝶谷大馬路總站
    1. 蝴蝶谷大馬路總站
    2. 和諧廣場/樂群樓
    3. 連貫公路/新濠影匯
    4. 路氹城馬路/新濠影匯
    5. 路氹西/銀河
    6. 新城大馬路/銀河
    7. 望德聖母灣馬路/紅樹林
    8. 澳門土木工程實驗室
    9. 機場圓形地/偉龍
    10. 氹仔客運碼頭
    11. 黑沙環新街/建華
    12. 馬場東大馬路
    13. 馬場北大馬路
    14. 紀念孫中山公園
    15. 何賢紳士大馬路/青洲坊
    16. 海擎天總站

    [編輯]

    1. (繁體中文)化北區至離島巴士服務 51A、30X兩路線周一開通. 交通事務局. 2016-08-27. 原著喺2016-08-27歸檔. 喺2018-05-23搵到.
    2. (繁體中文)漢三巴士路線10日(周六)起調整行程. 交通事務局. 2016-11-30.
    3. (繁體中文)調. 澳門特別行政區政府交通事務局. 2017-02-23.
    4. (繁體中文)51A路線周二起增停靠關閘總站. 澳門特別行政區政府交通事務局. 2017-04-14. 原著喺2017-04-15歸檔. 喺2018-05-23搵到.
    5. (繁體中文)56路線周六延伸至新口岸高士德. 交通事務局. 2017-05-18.
    6. (繁體中文)26及51A路線周六起調整站點. 交通事務局. 2017-09-27.
    7. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
    8. (繁體中文)有意見指巴士加價漠視民意,澳廣視,響2018年4月21號搵到。

    睇埋[編輯]

    [編輯]