澳門10B號巴士

出自維基百科,自由嘅百科全書
跳去導覽 跳去搵嘢

管理資訊
監管者 DSAT.png 交通事務局
經營者 File:澳巴.png澳巴
所屬車廠 旅遊塔車場
路線用車 宇通ZK6115HG1
宇通ZK6118HGE

路線資訊
路線圖
路線性質 循環
全程行車時間 72分鐘

服務資訊
服務時間 06:00-01:15
班次間隔 五到九分鐘
全程收費 六蚊葡幣
主要競爭交通 3A3X102525X

澳門10B巴士係一條由澳巴做緊,由馬場大馬路來回殷皇子馬路嘅循環巴士線。

背景[編輯]

1994年,10B由澳巴成立,由關閘來回港澳碼頭,行經黑沙環漁翁街,以應付10號提供唔到黑沙環來回關閘嘅服務。

1997年7月,延長到南灣,來回都維持兜入去港澳碼頭。

2011年8月1號,新巴士營運模式正式實行,呢條線判咗畀維澳蓮運嚟做。

2013年10月2號,維澳蓮運申請破產,呢條線由交通事務局暫時接管九個月。

2014年7月1號,呢條線由澳門新時代公共汽車股份有限公司接手嚟做。

2016年11月5號,因為重整祐漢區巴士站分佈,去南灣方向取消停靠「看台街/中銀」、「祐漢公園」巴士站[1]

2016年11月18號,因應路面實際情況同客流,安排部分班次,以跳站形式嚟行,如果關閘周邊馬路塞車嚴重嗰時,由關閘總站開出之後改行其他唔塞嘅馬路,跳到「東北大馬路/廣華」站之後續返原線嚟行,維持返之後嘅班次穩定[2]

2016年12月10號,調整外港碼頭嘅一段行程,去關閘方向,響「高美士/馬六甲街停車場」站之後,唔停「外港碼頭」站同「友誼馬路/行車天橋」站,加停「回力」站,經友誼大馬路之後按原線嚟行。為咗加快巴士效率,頭班車起改行祐漢第六街拱形馬路之後直接去巴波沙大馬路,唔停「長壽馬路」站同「看台街/騎士馬路」站,加停新整嘅「祐漢第六街」站。重有呢次調整重會將「祐漢市場街」站搬後到永華街僑光大廈周圍,重改名做「永華街」站[3]

2017年4月22號,去東方明珠方向:響「水塘北角/勞工事務局」之後,因為停完「慕拉士/發電廠」站,出站要跨三條轉轉右入東北大馬路造成危險,所以唔停「慕拉士/發電廠」站同「東北大馬路/海濱」站,加停新整嘅「東北大馬路/南澳」站。

2017年8月19號,去關閘方向,響「中區/殷皇子馬路」站之後,唔停「亞馬喇前地」站,加停「葡京酒店」站[4]

2017年8月23號,颱風天鴿襲澳,關閘地下巴士總站受到嚴重風暴潮破壞,呢條線終點站一度要搬去祐漢第二街。

2017年9月25號,位於馬場大馬路近信達廣場嘅巴士站正式啟用,呢條線改喺呢個站落客,上客站點改喺「永定街」。

2017年9月30號,位於馬場大馬路近信達廣場嘅巴士站正式命名為「馬場大馬路」巴士站。本路線改喺呢個站上落客。

2018年8月1號,呢條線改返由澳巴去做。

2018年10月27號起,「高美士/何賢公園」站改名為「高美士/利澳」站。

2019年7月27號起,多個巴士站開始改名:

  • 「旅遊活動中心」站改名為「金蓮花廣場」站。
  • 「十月一日前地」站改名為「十月一號前地」站。

2021年1月1號起,為配合新巴士合同實施,呢條線更新目的地資訊,由「南灣」改名為「殷皇子馬路」。

用車[編輯]

  • 宇通ZK6115HG1
  • 宇通ZK6118HGE

走線[編輯]

車費[編輯]

  • 全程車費:澳門幣六蚊。
  • 用澳門通全民卡,只係扣三蚊,其餘由政府畀。
  • 用澳門通學生卡,只係扣一個半,其餘由政府畀。
  • 用澳門通長者卡,免費,由政府畀。
  • 用澳門通殘疾卡,免費,由政府畀。
  • 澳門通IC卡月票適用。

服務[編輯]

服務時間 禮拜一到五 禮拜六、日同公眾假期
馬場大馬路 朝早六點到凌晨一點十五分
班距 繁忙時間 六到十二分鐘 十到十五分鐘
普通時間 十到十五分鐘
掛左8號風球後1個鐘開出尾班車

停站[編輯]

馬場大馬路 - 殷皇子馬路(循環線)
  1. 馬場大馬路
  2. 祐漢街市
  3. 永康街/麗華
  4. 福泰工業大廈
  5. 勞動節大馬路
  6. 東北大馬路/廣華
  7. 東北大馬路/東華
  8. 慕拉士/飛通大廈
  9. 漁翁街/勞工事務局
  10. 外港碼頭
  11. 友誼馬路/行車天橋
  12. 旅遊活動中心
  13. 廈門街/理工
  14. 東方拱門
  15. 治安警察局
  16. 殷皇子馬路
  17. 葡京酒店
  18. 十月一日前地
  19. 北京街/假日酒店
  20. 高美士/何賢公園
  21. 理工學院
  22. 高美士/馬六甲街停車場
  23. 回力
  24. 水塘北角/勞工事務局
  25. 東北大馬路/南澳
  26. 黑沙環新街/建華
  27. 永華街
  28. 馬場大馬路

意外[編輯]

2007年11月9號,澳巴10號一架日野大巴,響關閘總站失控,先撞向前面另一架澳巴10B五洲龍大巴,之後再向右撞到一幅牆先停低;被撞嘅另一架澳巴大巴又向前撞向前面一架新福利3A大巴。肇事失控嘅巴士擋風玻璃爛嗮同車身嚴重凹咗,而被撞嘅澳巴大巴一邊擋風玻璃飛咗出嚟,車身嚴重凹咗,而新福利大巴就輕輕爛咗。

2009年9月26號,澳巴10B一架五洲龍FDG6920G型巴士,懷疑跟車太貼,響外港客運碼頭發財巴停泊區對開撞到一架新福利3號大巴。肇事澳巴車頭凹咗,右邊擋風玻璃爛咗,而新福利巴士車尾亦都凹咗。事故入面,澳巴車上一個女乘客口部受傷[5]

[編輯]

  1. "祐漢四巴士站周六起取消". 交通事務局. 03-11-2016. Check date values in: |date= (help)
  2. "11條巴士路線明(18日)起視情況以跳站形式運行". 交通事務局. 2016-11-17.
  3. "祐漢三巴士路線10日(周六)起調整行程". 交通事務局. 2016-11-30.
  4. "四路線周六起取消停靠"亞馬喇前地"站". 交通事務局. 2017-08-17.
  5. "澳巴追尾撼新福利一傷" (中文). 澳門日報電子版. 2009-09-27. 原著喺2009-09-30歸檔. 喺2009-09-27搵到.

睇埋[編輯]

[編輯]