澳門3AX巴士

出自維基百科,自由嘅百科全書

管理資訊
監管者 交通事務局
經營者 File:澳巴.png澳巴
所屬車廠 旅遊塔車場
路線用車 宇通ZK6105HG
宇通ZK6118HGE

路線資訊
路線圖

服務資訊
服務時間 朝早七點到朝早九點
(強制性假期停駛)
班次間隔 十到十五分鐘
全程收費 六蚊葡幣
替代路線 33A3X1010B10X

澳門3AX巴士,係一條由澳巴做緊,而跳站形式由關閘來回亞馬喇前地嘅快速循環巴士線,只係響朝早同晏晝繁忙時間服務。

背景[編輯]

2017年9月8號,由於8月23號關閘總站被天鴿風災帶嚟嘅風暴潮搞到爛嗮而停用,加埋九月開學嘅客流上升,交通事務局經過評估3A嘅客流情況,為咗加快疏導乘客,調配現有資源,將3A一啲班次抽出嚟行呢條線,畀咗新時代做,而跳站嘅快速巴士運作,加快疏散乘客,等中途站啲乘客可以上到車[1]

2017年9月14號,尾班車延長到朝早九點先收車[2]

2017年9月16號,呢條線增加禮拜六、日服務,即係每日運作(強制性假期例外),服務時間同平時一樣。

2017年12月20號,加停「勵庭海景酒店」巴士站。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[3][4]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

2021年1月4號,為配合新巴士合同嘅生效,呢條線增加晏晝繁忙時間行走,並改為循環路線。

走線[編輯]

車費[編輯]

  • 全程車費:六幣葡幣
  • 用澳門通全民卡,只係扣四蚊,其餘由政府畀。
  • 用澳門通學生卡,只係扣兩蚊,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 禮拜一到五 周未同埋公眾假期假期
關閘廣場 朝早七點到朝早九點、晏晝四點到晚黑八點 唔開
班次 八到十分鐘

停站[編輯]

去亞馬喇前地方向
  1. 關閘廣場
  2. 勞動節大馬路/廣華
  3. 漁人碼頭會展中心
  4. 勵庭海景酒店
  5. 新口岸/文化中心
  6. 捐血中心
  7. 仙德麗街
  8. 亞馬喇前地
  9. 十月一號前地
  10. 宋玉生廣場
  11. 澳門文化中心
  12. 孫逸仙大馬路/金沙
  13. 黑沙環新街/南華
  14. 海上居
  15. 關閘廣場

[編輯]

  1. (繁體中文)快速路線3AX及25AX周五起運作. 澳門特區政府交通事務局. 2017-09-06.
  2. (繁體中文)3AX及25AX運作暢順加強服務. 澳門特區政府交通事務局. 2017-09-14.
  3. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  4. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]