澳門29號巴士

出自維基百科,自由嘅百科全書
Jump to navigation Jump to search

管理資訊
監管者 DSAT.png 交通事務局
經營者 20px新時代
所屬車廠 旅遊塔車場
路線用車 宇通ZK6770HG

路線資訊
路線圖
路線性質 循環
全程行車時間 60分鐘

服務資訊
服務時間 07:30-19:15
班次間隔 十五到十八分鐘
全程收費 六蚊葡幣
主要競爭交通 8A2328B

澳門29號巴士,舊時叫28BX,係一條由澳門新時代公共汽車股份有限公司做緊,由青洲總站來回東方拱門嘅循環巴士線。

背景[編輯]

28BX[編輯]

28B短線,由新福利成立,後來改冧巴做28BX,當時28BX冧巴係澳門新福利嘅第一條X線,冧巴亦響當時澳門所有巴士線入面最長。亦曾經用皇朝「新口岸/科英布拉街」巴士站做特班車總站。

2011年8月1號,新巴士營運模式正式實行,呢條線判咗畀維澳蓮運嚟做。

2014年7月1號,呢條線由澳門新時代公共汽車股份有限公司接手嚟做。

2015年6月6號,拱形馬路道路工程,臨時單向行車,改經台山中街,取消唔停「拱形馬路」巴士站,臨時加停「關閘馬路/三角花園」巴士站。

2015年10月,拱形馬路工程完成,臨時措施變成永久,「拱形馬路」巴士站正式取消。

2016年7月2號,因為巴士站合併,唔再停「青洲/美居廣場」巴士站[1]

2017年8月19號,呢條線向青洲方向停完「治安警察局」巴士站之後,唔再停「亞馬喇前地」巴士站,下一個站變做「葡京酒店」巴士站[2]。 2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線同澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[3][4]

29號[編輯]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費,只分X尾係快線,用澳門通畀錢要畀多一蚊葡幣,由於呢條線唔係快線,所以將呢條線由28BX改冧巴做29號。

用車[編輯]

新福利時期[編輯]

  • 三菱Rosa
  • Man、Dennis Dart、Dennis Dart SLF(28BX特班車)

維澳蓮運同新時代時期[編輯]

  • 宇通ZK6770HG

走線[編輯]

收費[編輯]

車費[編輯]

  • 全程車費:六幣葡幣
  • 用澳門通全民卡,只係扣三蚊,其餘由政府畀。
  • 用澳門通學生卡,只係扣個半,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 平時(禮拜一到五) 禮拜六、日(包埋公眾假期)
青洲總站 07:30-19:15
班次 繁忙時間十五分鐘,普通時間十八分鐘 十八分鐘

停站[編輯]

去青洲總站方向
  1. 青洲總站
  2. 跨境工業區
  3. 青洲/鴨涌河
  4. 青洲/自來水公司
  5. 青洲/聖德蘭學校
  6. 台山街市
  7. 關閘馬路/三角花園
  8. 慕拉士馬路
  9. 慕拉士巷
  10. 慕拉士/飛通大廈
  11. 漁翁街/勞工事務局
  12. 外港碼頭
  13. 友誼馬路/行車天橋
  14. 旅遊活動中心
  15. 廈門街/理工
  16. 東方拱門
  17. 治安警察局
  18. 葡京酒店
  19. 十月一日前地
  20. 北京街/假日酒店
  21. 高美士/何賢公園
  22. 理工學院
  23. 高美士/馬六甲街停車場
  24. 水塘北角/勞工事務局
  25. 慕拉士/發電廠
  26. 慕拉士馬路/望廈
  27. 黑沙環馬路
  28. 拱形馬路/蓮峰廟
  29. 第二警司處
  30. 青洲/嘉應花園
  31. 青洲/聖若瑟中學
  32. 青翠花園
  33. 青洲總站

意外[編輯]

2012年1月22日,一架28BX嘅宇通細巴(車隊編號1021),響友誼大馬路轉入漁翁街嗰陣,懷疑爬頭同電單車撞咗,女司機連人帶車仆響地下,電單車再滑前一米左右,女騎士就捲咗入車底,頭部被巴士轆過當場死亡。呢單係新巴士模式之下維澳蓮運第一單奪命交通意外[5][6]

[編輯]

  1. "交通事務局周六實施多項巴士調整". 交通事務局. 2016-06-30. 原著喺2016-08-16歸檔. 喺2018-04-22搵到.
  2. "四路線周六起取消停靠"亞馬喇前地"站". 交通事務局. 2017-08-17.
  3. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  4. (繁體中文)有意見指巴士加價漠視民意,澳廣視,響2018年4月21號搵到。
  5. "綠巴與電單車碰撞女騎士死亡" (中文). 澳廣視. 2012-01-22.
  6. "入漁翁彎與巴士碰撞 女騎士捲車底慘死" (中文). 澳門日報. 2012-01-23.[失咗效嘅鏈]

睇埋[編輯]

[編輯]