澳門理工學院

出自維基百科,自由嘅百科全書
Jump to navigation Jump to search
澳門理工學院

澳門理工學院葡萄牙文Instituto Politécnico de Macau英文Macao Polytechnic Institute),簡稱理工縮寫IPMMPI,喺1991年9月16號成立,係澳門一間公立、多學科、應用型嘅高等院校。學院校訓係「普專兼擅,中西融通」,方針係「教學與科研並重」,以「小而美、小而精、出精品」做方向,理念係「紮根澳門,背靠祖國,面向世界,爭創一流」,治校標準係「教學標準國際化、科研工作規範化、校園設施電子化、行政工作法治化」。

澳門理工學院設有藝術高等學校、應用科學高等學校、管理科學高等學校、人文及社會科學高等學校、健康科學及體育高等學校、語言及翻譯高等學校,有多元化嘅學科體系,開辦藝術文創資訊科技工商管理、公共管理、社會服務、健康醫學體育科學語言翻譯等唔同範疇嘅學士碩士博士學位課程,致力培育具有全球視野嘅高素質專業人才。學院積極推展各項學術評鑑工作,優化教育素質。喺院校評鑑,學院以「充滿信心」嘅評級,成為澳門第一間通過咗英國高等教育質量保障局英文Quality Assurance Agency for Higher Education評鑑嘅高等院校[1]。喺課程評鑑方面,已先後喺唔同學術領域通過咗國家教育部中文國家教育部高等教育教學評估中心、葡萄牙高等教育評鑑機構葡萄牙文Agência de Avaliação e Acreditação do Ensino Superior英國高等教育質量保障局英文Quality Assurance Agency for Higher Education、英國工程委員會、英國工程技術學會中文英國工程技術學會、新西蘭大學學術質量評鑑局,以及香港學術及職業資歷評審局中文香港學術及職業資歷評審局等權威組織嘅課程評鑑同專業認證。同時,學院亦係澳門第一間獲得「國家級教學成果獎」[2]、全國唯一兩度獲得「亞太教育質量獎」嘅高等院校[3]

參考[編輯]

  1. "澳門首家高校通過國際權威院校評鑑 英國高等教育質量保證局訪理工".
  2. "澳門理工學院成澳門首家獲國家級教學成果獎的高等院校".
  3. "辦學質量獲國際認可 理工再次榮獲亞太教育質量獎".