台山街市
 |
 |
台山街市係澳門花地瑪堂區蘇沙醫生街一個綜合型街市大樓，分別有街市、小販區、社區活動中心同平台花園等社區設施。
歷史[編輯]
台山街市前身係「台山臨時街市」，用嚟應付昔日台山臨時經濟房屋居民所需。
2005年5月27日，「台山街市綜合大樓」正式啟用，所有喺臨時街市裏面同出面嘅攤檔全部搬入新街市大樓。原有嘅台山臨時街市隨即被拆卸，改建做公眾停車場。
設計[編輯]
台山街市綜合大樓係由兩層主樓同一層副樓兩幢建築物組成，呈「T」字形排列，建築面積係1,749平方米。大樓設有八個出入口，其中面向青洲大馬路同台山中街嘅出入口設有公廁。
主副樓地下由街市攤檔同小販區組成，主樓一樓設有一個社區活動中心，中心裏面設有閱覽及資訊室、乒乓球室、康樂室、可容納250人嘅大禮堂同多用途綜合活動室等。副樓頂層有平台花園，面積為679平方米，設有休憩設施、兒童遊樂區、涼亭同按摩徑等休憩設施。
開放時間[編輯]
- 街市部分開放時間：07:00-20:00
- 活動中心開放時間：10:00-22:00（週末及公眾假期照常開放，農曆新年假期除外）