澳門22號巴士

出自維基百科,自由嘅百科全書
Jump to navigation Jump to search

管理資訊
監管者 DSAT.png 交通事務局
經營者 20px澳巴
所屬車廠 北安車廠
路線用車 宇通ZK6118HGE
宇通ZK6128HGE

路線資訊
路線圖

服務資訊
服務時間 平時06:15-00:07
禮拜06:15-00:09
班次間隔 繁忙時間:四至六分鐘
普通時間同禮拜:八至十分鐘
全程收費 六蚊葡幣
主要競爭交通 水坑尾祐漢第二街277A1219

澳門22號巴士,係澳門一條巴士路線,由祐漢第二街來回氹仔嘅循環線。

歷史[編輯]

1988年10月18號,澳巴成立22號。初期以黑沙環黃金廣場做總站,途經黑沙環第五街慕拉士大馬路俾利喇街美副將大馬路二龍喉公園水坑尾約翰四世大馬路葡京澳氹大橋凱悦氹仔三家村氹仔卓家村官也街地堡街澳門賽馬會奧林匹克圓形地、凱悦、澳氹大橋、友誼馬路、賈羅布、八角亭、水坑尾、荷蘭園、高士德、俾利喇、黑沙環同祐漢。同年11月3號,黑沙環總站搬到馬場海邊馬路。

1990年6月12號,配合加思欄行車橋正式啓用,而改經十月一日前地,唔再經賈羅布。

1991年2月1號,新增單向去澳門大學第一座宿舍嘅特別班次,每十二分鐘一班車。特別班次響同年5月28號配合呢條線其餘正常班次,由全日來回都經澳大而改為響繁忙時間先提供服務。

1995年,祐漢總站分拆,呢條線改響祐漢第一街做總站。

2001年,因為祐漢第一街改做反方向馬路,配合祐漢區道路重整,總站搬到「祐漢第二街」。

2016年6月25號,因配合輕軌高架橋吊裝工作,停靠「氹仔中葡小學」站之後,取消「黑橋/地堡街」、「澳門運動場」站,改停「基馬拉斯/濠景」站。

2016年9月24號,[1]「孫逸仙馬路/三家村」同「泉亮花園」站合併,分別改名做「泉亮花園」同「泉裕豪庭」站,改停「泉裕豪庭」站;「亞利雅架前地」同「寶龍花園」站合併,改名做「百利寶花園」站。

2016年10月9號,配合氹仔運動場圓形地同周圍馬路恢復,由10月9號晚黑八點開始,呢條線還原返之前噉行,停返「黑橋/地堡街」、「澳門運動場」站[2]

2016年11月5號,因為重整祐漢區巴士站分佈同路線行程,所以去氹仔方向取消停「祐漢公園」站[3]

2017年4月9號,按原線行到「黑沙環第五街」站之後,取消停「望廈體育館」站,之後按原線嚟行[4]

2017年10月14號,因為廉政公署踢爆交通事物局多年冇按《嘉樂庇大橋、友誼大橋及引橋規章》管制,任得超過十五噸以上嘅巴士行嘉樂庇總督大橋,損害大橋使用年期,所以開始嚴格執行十五噸以下嘅巴士先畀用嘉樂庇總督大橋,呢條線用車先改用五洲龍FDG6101G(歐四大巴)同宇通ZK6115HG1大巴。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[5][6]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

呢次線係啱啱營運嗰時同大部分嘅路線一樣,都係以日產Civilian豐田Coaster細巴嚟行。

日野RX4JFKA投入服務之後,就派咗幾部落嚟呢條線度行,不過就冇大巴行呢條線,但係隨住乘客係噉增加,原嚟嘅日產小巴應付唔到咁多人,再加上政府要求澳巴將服役咗成十幾年嘅舊車退役,所以喺2003年就派日野HR1J低地台巴士嚟行呢條線,後來又喺2005年派日野HR7JPAE低地台巴士行呢條線,提升載客能力。

喺2006年開始就續步續步派五洲龍FDG6920G嚟行呢條線,但係間唔中都會派其他車型嚟行呢條線。

喺新巴士服務模式前幾日就派五洲龍FDG6751G(歐四小巴)嚟行呢條線做測試。

2011年8月1號開始,因為新巴士服務模式規定廿二號一定要用大巴嚟行,所以就改派日野HR7JPAE巴士、五洲龍FDG6121GC3(11.6米)、樣版車五洲龍FDG6110G同新買返嚟嘅五洲龍FDG6101G(歐四大巴)低地台巴士嚟行呢條線,係澳巴用車最多嘅一條日間巴士線。而五洲龍FDG6920G(9米)間唔中都被派到呢條線度,五洲龍FDG6951G(歐五中巴)亦曾經行過呢條線。自2014年12月11號開始就加入咗六架新款宇通ZK6118HGE(10.84米)低地台巴士嚟行呢條線,同時五洲龍FDG6121GC3(11.6米)退出公共巴士服務,2014年12月30號又有更多呢款新車出街,喺2014年嘅最後一日五架新款宇通ZK6128HGE(12米)低地台巴士全部出街都係行呢條線,喺呢個時候,澳巴嘅日野HR7JPAE開始退出公共巴士服務。

2015年,呢條線嘅用車已清一色用嗮宇通ZK6118HGE(10.84米)同宇通ZK6128HGE(12米)低地台巴士,五洲龍FDG6101G(歐四大巴)低地台巴士亦間唔中會行下呢條線。

路線[編輯]

收費[編輯]

  • 全程車費:澳門幣四個二(分兩程收錢),
    祐漢第二街方向,喺亞馬喇前地打後嘅站開始收費變做三個二。
  • 用澳門通全民卡,只係扣兩個半,其餘由政府畀,
    去祐漢第二街方向,喺亞馬喇前地打後嘅站開始收費變做二蚊。
  • 用澳門通學生卡,只係扣一蚊,其餘由政府畀。
  • 用澳門通長者卡,只係扣三毫子,其餘由政府畀。
  • 用澳門通月票卡唔洗扣錢。

服務[編輯]

服務時間 平時(星期一至五) 例假日(包埋公眾假期)
祐漢第二街 06:15-00:07 06:15-00:09
班次 繁忙時間四至六分鐘,平時同例假日八至十分鐘 八至十分鐘

路線停站[編輯]

廿二號嘅走線圖
去外港碼頭方向
  1. 祐漢第二街
  2. 祐漢街市
  3. 祐漢公園
  4. 永康街/麗華
  5. 黑沙環第五街
  6. 望賢樓
  7. 愉景花園
  8. 鮑思高球場
  9. 二龍喉公園
  10. 得勝花園
  11. 塔石體育館
  12. 水坑尾/公共行政大樓
  13. 約翰四世大馬路
  14. 亞馬喇前地
  15. 史伯泰/麗景灣
  16. 氹仔大中華廣場
  17. 泉裕豪庭
  18. 泉悅花園
  19. 嘉模泳池
  20. 氹仔官也街
  21. 氹仔中葡小學
  22. 黑橋/地堡街
  23. 澳門運動場
  24. 南新花園
  25. 華寶花園
  26. 花城公園
  27. 百利寶花園
  28. 氹仔電訊
  29. 史伯泰/盧廉若
  30. 蘇利安圓形地
  31. 亞馬喇前地
  32. 葡京酒店
  33. 十月一日前地
  34. 教育暨青年局
  35. 水坑尾街
  36. 盧廉若公園
  37. 高士德/培正
  38. 俾利喇/高士德
  39. 澳廣視
  40. 黑沙環馬路
  41. 祐漢第二街

[7] [8]

客量[編輯]

呢條線係澳巴所有路線入面用車最多嘅路線,主要服務喺祐漢到氹仔同氹仔到水坑尾、高士德、祐漢嘅市民,以及喺一啲繁忙時間為學生、返工嘅人提供服務,所以爆棚。而喺平時就會有啲老人專門搭嚟遊車河。

重大意外[編輯]

2006年1月16號,澳巴廿二號一架日產Civilian小巴,由氹仔賽馬會開去祐漢時,啱啱行完嘉樂庇總督大橋之後就失控,好似波子機噉撞塌嗮啲石壆同亞馬喇前地嘅整路工程啲圍欄,車頭隊咗入地盤大洞入面,而車嘅後半部就擱腰喺馬路上面。呢單嘢搞到十五個巴士乘客受傷,消防局同澳門兩間醫院都要啟動災難應變措施。

2010年5月28號晚黑差唔多八點,澳巴廿二號一架五洲龍大巴喺美副將大馬路超車期間撞低咗左邊一架電單車,之後澳巴司機冇理到繼續開車,之後警方根據目擊者畀嘅資料搵到肇事司機,巴士司機話唔知出咗事[9]

[編輯]

  1. "交通事務局調整離島多個巴士站停靠安排". 交通事務局. 2016-09-22. 
  2. "氹仔運動場圓形地周日起道路恢復". 交通事務局. 2016-10-07. 
  3. "祐漢四巴士站周六起取消". 交通事務局. 03-11-2016.  檢查日期值喺: |date= (詳情)
  4. "7及7A路線4月9號起合併 延伸服務至皇朝區加快周轉". 澳門特區政府交通事務局. 2017-04-05. 
  5. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  6. (繁體中文)有意見指巴士加價漠視民意,澳廣視,響2018年4月21號搵到。
  7. (繁體中文)澳巴>路線>22路線 互聯網檔案館歸檔,歸檔日期2015年5月14號,.
  8. (繁體中文)城市指南>巴士網絡>22路線
  9. (繁體中文)"巴士超車女騎士被撞受傷". 澳門日報. 2010-05-29. (原先內容喺2010-06-02歸檔). 喺2010-05-29搵到. 

睇埋[編輯]

[編輯]