澳門5X巴士

出自維基百科,自由嘅百科全書
跳去導覽 跳去搵嘢

管理資訊
監管者 DSAT.png 交通事務局
經營者 File:新福利.png新福利
所屬車廠 青洲車廠
路線用車 蘇州金龍KLQ6108GQ30

路線資訊
路線圖
路線性質 循環線

服務資訊
服務時間 朝早七點到朝早九點半、
晏晝五點到晚黑七點半
(禮拜六、日同強制性假期停駛)
班次間隔 十到十五分鐘
全程收費 六蚊葡幣
主要競爭交通 12232525X

澳門5X巴士,係一條由新福利做緊,由筷子基北灣來回皇朝嘅循環巴士線,只係響朝早同晏晝嘅繁忙時間服務。

背景[編輯]

2009年4月27號,交通事務局實施第二階段巴士路線調整而開呢條線,畀咗新福利做,服務時間係禮拜一到六朝早七點半到朝早九點,廿五分鐘一班,禮拜日同公眾假期停駛,由關閘總站開單頭到亞馬喇前地。

2010年12月8號,高士德大馬路下水道重整工程動工,工程期間5X去亞馬喇前地唔行高士德大馬路,改行美副將大馬路

2011年8月1號,新巴士營運模式正式實行,呢條線判咗畀新福利做,縮短到「市政狗房」巴士站,調整服務時間到禮拜一到六朝早七點到朝早九點,六分鐘一班。

2011年8月28號,配合中區巴士站分流,唔停「約翰四世大馬路」巴士站[1]

2016年1月16號,延長到筷子基北灣,唔再行羅理基博士大馬路到亞馬喇前地,改行文化中心、皇朝、北京街,加埋晏晝繁忙時間服務同埋延長服務時間到禮拜一到六朝早六點半到朝早十點、晏晝四點半到晚黑七點半,重加密到五到八分鐘一班,同埋由單頭線改做循環線[2]

2016年8月20號,加停「羅理基/馬六甲街」巴士站[3]

2016年11月9號,調整服務時間到禮拜一到六朝早七點到朝早九點半同晏晝五點到晚黑七點半,禮拜一到五就五到十分一班,禮拜六就十二到十五分一班,禮拜日同公眾假期停駛[4]

2017年4月10號,呢條線將禮拜日同公眾假期停駛改為禮拜日同強制性假期先停駛[5]

2017年12月20號,加停「勵庭海景酒店」巴士站。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[6][7]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

2019年7月27號起,「十月一日前地」站改名為「十月一號前地」站。

2020年2月5號,因應武漢肺炎疫情持續,為免資源浪費,呢條線暫停營運,直至另行通知。[8]

2020年3月2號,因應社會陸續恢復營運,呢條線同時恢復營運,以疏導尖峰時段客流。[9]

2020年7月10號,服務時間調整為禮拜一到禮拜五07:00-09:00及17:00-19:30。禮拜同埋公眾假期停駛。

2021年1月4號,服務時間恢復為禮拜一到禮拜五07:00-09:00及17:00-19:30,禮拜同埋公眾假期維持停駛。

呢條線名義上係5路線嘅快線,但事實上只有「高士德/亞利鴉架街」一站係同5路線同站,同5AX(同係5路線嘅快線)只有「筷子基社屋」同站。

用車[編輯]

2011年7月31號之前,呢條線成日見到嘅車款:

  • Dennis Dart
  • MAN 13.230
  • 金龍XMQ6103G
  • 蘇州金龍KLQ6930G
  • 蘇州金龍KLQ6101G
  • 蘇州金龍KLQ6126G

2011年7月31號之後,呢條線成日見到嘅車款:

走線[編輯]

車費[編輯]

  • 全程車費:六幣葡幣
  • 用澳門通全民卡,只係扣四蚊,其餘由政府畀。
  • 用澳門通學生卡,只係扣兩蚊,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 禮拜一到五 周未同強制性假期
沙梨頭北街/筷子基北灣 朝早七點到朝早九點半、
晏晝五點到晚黑七點半
停駛
班次 十到十五分鐘

停站[編輯]

去沙梨頭北街/筷子基北灣方向
  1. 沙梨頭北街/筷子基北灣
  2. 青洲/聖德蘭學校
  3. 白朗古/跑狗場
  4. 市政狗房
  5. 望廈炮台
  6. 愉景花園
  7. 鮑思高球場
  8. 羅理基/馬六甲街
  9. 勵庭海景酒店
  10. 新口岸/文化中心
  11. 新口岸/馬德里街
  12. 捐血中心
  13. 仙德麗街
  14. 葡京酒店
  15. 十月一日前地
  16. 北京街/假日酒店
  17. 何賢公園
  18. 高士德/亞利鴉架街
  19. 沙梨頭南街/蘭花前地
  20. 筷子基社屋
  21. 沙梨頭北街/筷子基北灣

客量[編輯]

呢條線響2016年改線之後同好多條巴士線重疊,但係呢條線只係繁忙時間服務,加埋皇朝、新口岸去西北區嘅需求大,所以班班車都滿嗮人。

[編輯]

  1. (繁體中文)"中區巴士路線周日分流 減低峰值時段交通壓力". 交通事務局. 2011年8月23日. Check date values in: |date= (help)
  2. (繁體中文)"多條巴士路線增班延服務配合市民出行". 交通事務局. 2016年1月12日. Check date values in: |date= (help)
  3. (繁體中文)"石排灣"蝴蝶谷大馬路總站"周六啟用". 交通事務局. 2016-08-18.
  4. 禮拜日同公眾假期"調整資源6巴士路線變更班次服務時間". 交通事務局. 07-11-2016. Check date values in: |date= (help)
  5. (繁體中文)"30X路線調整行程提升疏導能力". 澳門特區政府交通事務局. 2017-04-06.
  6. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  7. (繁體中文)有意見指巴士加價漠視民意,澳廣視,響2018年4月21號搵到。
  8. "NEWS.GOV.MO: 多條巴士線調整服務籲乘客留意". news.gov.mo. 喺2020-02-05搵到.
  9. "兩巴周一起再增班 運力恢復至九成". 2020-02-28.

睇埋[編輯]

[編輯]