澳門3X巴士

出自維基百科,自由嘅百科全書
跳去導覽 跳去搵嘢

管理資訊
監管者 DSAT.png 交通事務局
經營者 File:澳巴.png澳巴
所屬車廠 旅遊塔車場
路線用車 宇通ZK6118HGE
宇通ZK6128HGE
宇通ZK6105HG
宇通ZK6115HG1

路線資訊
路線圖
路線性質 快速路線

服務資訊
服務時間 朝早六點四十五分到晚黑十一點
班次間隔 四到十分鐘
全程收費 六蚊葡幣
主要競爭交通 33A1010B2525X4
3251AMT4

澳門3X巴士,係一條由澳巴做緊,由關閘來回亞馬喇前地嘅快速巴士線。

背景[編輯]

2009年4月27號,交通事務局實施第二階段巴士路線調整而開呢條線,畀咗新福利做,服務時間係禮拜一到六朝早七點半到朝早九點,十八到廿二分一班,禮拜日同公眾假期停駛。

2011年8月1號,新巴士營運模式正式實行,呢條線判咗畀維澳蓮運做,總站亦搬到提督馬路/雅廉訪站,調整服務時間到禮拜一到六朝早七點到朝早九點,四分鐘一班車。

2011年11月7號,再將總站延長到「關閘馬路」巴士站,重加停「三角花園」巴士站。

2012年8月4號,因為巴士站合併,唔再停「水上街市/中銀」巴士站。

2013年10月1號晚黑十一點,維澳蓮運發出公開聲明,宣佈已經正式申請破產。

2013年10月2號,交通事務局局長汪雲宣佈,接管維澳蓮運維持營運,為期六個月。

2013年12月4號,維澳蓮運被法院宣佈破產,進入清盤程序。

2014年7月1號,呢條線由新時代接手嚟做。

2015年2月14號,再將總站延長到「關閘總站」巴士站,改做每日營運重加埋晏晝繁忙時間嘅服務,同時由單程線改成循環線[1]

2016年1月22號,調整服務時間做朝早七點到朝早九點、晏晝五點到晚黑十一點,四至十分鐘一班車[2]

2016年4月23號,調整服務時間做朝早七點到晚黑十一點,四到十分鐘一班車,響「十六浦」巴士站之後,唔再停「提督/紅街市」巴士站,改行林茂海邊大馬路,加停新整嘅「林茂/澳門遊艇會」、「筷子基社屋」巴士站[3]

2017年8月23號,颱風天鴿襲澳帶嚟嚴重風暴潮水浸破壞,關閘總站要暫停使用,3X路線一度改為臨時線來回蓮峰游泳池,到9月30號開始固定為亞馬喇前地來回關閘馬路同亞馬喇前地嘅快速循環巴士線。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[4][5]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

2018年12月15號,關閘總站整好重新開番,3X巴士改喺關閘總站落客,並喺關閘馬路上客。到2019年4月30號改番喺關閘總站上落客。

用車[編輯]

新福利時期[編輯]

啱啱成立嗰陣主要係用長嘅巴士嚟行,例如Dennis Dart SLF 11米大巴、蘇州金龍10米/12米巴士;間唔中可能會派蘇州金龍9.9米巴士同Dennis Dart SLF 10米中巴,不過就好少出現。

新時代時期[編輯]

走線[編輯]

車費[編輯]

  • 全程車費:六幣葡幣
  • 用澳門通全民卡,只係扣四蚊,其餘由政府畀。
  • 用澳門通學生卡,只係扣兩蚊,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 每日
關閘總站 朝早六點四十五分到晚黑十一點
班次 繁忙時間四到八分鐘,普通時間六到十分鐘

停站[編輯]

去亞馬喇前地方向
  1. 關閘總站
  2. 關閘馬路
  3. 提督馬路/雅廉訪
  4. 昌明花園
  5. 沙梨頭/華寶工業大廈
  6. 海邊新街
  7. 栢港停車場
  8. 新馬路/大豐
  9. 殷皇子馬路
  10. 亞馬喇前地
  11. 亞馬喇前地
  12. 新馬路/永亨
  13. 十六浦
  14. 林茂/澳門遊艇會
  15. 筷子基社屋
  16. 關閘總站

客量[編輯]

新福利時期[編輯]

3X雖然客流爆棚,四分鐘一班車,但係因為只係響朝早七點到九點先會出車,而且重係單頭快速巴士線,冇回頭車,再加埋只係響禮拜一到六先提供服務,到水上街市嗰陣就已經上滿人,而3號會以兩三架車連着開(同33號、26A一樣),其他乘客寧願等下一班3號都好過等過班3X。

新時代時期[編輯]

3X自從改成循環線嚟行之後,客流一樣都係爆棚,不過分流咗由葡京搭3A、9、9A、10B、25號、25X去關閘嘅乘客。但係因為有好多大陸遊客搭,所以響禮拜六、日晏晝五六點爆棚嘅情況重會嚴重啲。

[編輯]

  1. (繁體中文)"3X路線周六起增服務時段及循環運作". 交通事務局. 2015年2月12日. Check date values in: |date= (help)
  2. (繁體中文)"3X延長晚間服務時間". 交通事務局. 2016年1月22日. Check date values in: |date= (help)
  3. (繁體中文)"3X及4路線巴士周六調整行程". 交通事務局. 2016年4月21日. Check date values in: |date= (help)
  4. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  5. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]