林茂海邊大馬路

林茂海邊大馬路 Avenida Marginal do Lam Mau（葡萄牙語）
澳門街道專題
	}} 林茂海邊大馬路 AVENIDA MARGINAL DO LAM MAU
街道資訊
成立日子				1998年8月
所在堂區				聖安多尼堂區
開始地點				沙梨頭海邊大馬路
沿途相交				罅些喇海軍上將巷 船澳街 船廠巷 林茂海邊街 林茂堂街
結束地點				爹美刁施拿地大馬路
行車道　　 綠化區 　　 行人道　　 海洋 　　 隧道# 　 — 海岸線 　　 水體 　　 建築物或地點 　　 建築物或地點（附名字） 　#：以半透明顯示 　†：界線模糊地帶以漸層顯示 　□：街道嘅位置

林茂海邊大馬路（葡文：Avenida Marginal do Lam Mau）係澳門聖安多尼堂區一條主要馬路，呢條路由沙梨頭海邊大馬路開始一路去到爹美刁施拿地大馬路為止，同出面嘅罅些喇提督馬路平行方向。

背景

林茂原本係一間杉欄，同埋其他杉欄開響沙梨頭麻子街、石街，當時沙梨頭海邊街一帶重係海邊嘅地方，舊時叫淺灣，響海邊築石圍塘嚟擺木，防止潮水沖走。其中以林茂杉欄最出名，而且水塘亦都係最大，所以叫林茂塘。之後林茂杉欄執咗，但係塘名依然響到。之後淺灣經過填海，擴大馬路起屋，杉欄搬到沙梨頭海邊街近海邊位，重合資響海到起咗一條石基圍欄，形成塘灣嚟擺木，成爲水上貨倉，重習慣叫林茂塘。之後好多大陸難民偷渡到澳門成為黑市居民，有啲黑市居民就到塘邊搭木屋嚟住，到七十年代，木屋數量去到六七百間，住咗幾千個居民，成為澳門著名嘅木屋區之一，環境惡劣。呢區曾經發生三次大火，頭兩次響1968同1970年，災民都得到社會人士關心幫助，響原地重建木屋，但係1979年一次大火之後，災民就被安置響望廈收容所到住，而災區則夷爲平地。隨著市區發展，林茂塘同隔離大坑渠木屋區同船廠搬走，填海做陸，成為新發展地段，先開闢呢條林茂海邊大馬路。

意外

2018月1月15號晏晝兩點幾，一架輕型貨車沿住林茂海邊大馬路去筷子基方向，行到遊艇會對開嗰陣懷疑剎唔切掣，將一個過緊斑馬線嘅七十幾歲阿婆撞飛，個頭撞到流嗮血，消防救護員接報到場確認佢當時意識模糊，由消防救護車送到山頂醫院搶救，送院時傷者清醒度下降。肇事輕型貨車車頭凹嗮，意外現場地下有血跡，由消防協助清理。治安警交通廳話肇事司機係外勞通過酒精測試，相信唔涉及過界勞工，至於係唔係過界司機，就要進一步調查。警方調查事故起因，初步懷疑有人響斑馬線前冇讓先。今次意外係一個月內繼俾利喇街同飛能便度街交界巴士奪命交通意外之後第二單嚴重交通意外。1月20號，交通事務局響有關斑馬線前安減速帶，被公眾批評當局要用血嘅教訓先肯做嘢（另一個例子係何賢紳士大馬路維修行人天橋開嘅臨時路口，有人被車撞先加紅綠燈），但其實1995年澳葡政府提出林茂海邊大馬路都市規劃嗰陣已經預留咗四條行人天橋嘅位，而其中一個就係有關肇事路口，但係政府一直以F地段未規劃拖住冇起。

交通

巴士

去沙梨頭方向嘅巴士站

• 林茂／信譽灣畔

靠站巴士有：MT4、71S。

去筷子基方向嘅巴士站

• 林茂／澳門遊艇會

靠站巴士有：3X、101X、4、MT4。

• 林茂／運順新邨

靠站巴士有：4。