澳門3A號巴士

出自維基百科,自由嘅百科全書
跳去導覽 跳去搵嘢

管理資訊
監管者 DSAT.png 交通事務局
經營者 20px新時代
所屬車廠 旅遊塔車場
路線用車 宇通ZK6115HG1
宇通ZK6118HGE

路線資訊
路線圖

服務資訊
服務時間 司打口總站:05:40-00:45
班次間隔 繁忙時間6-10分鐘
普通時間7-12分鐘
禮拜同強制性假期10-12分鐘
全程收費 六蚊葡幣
主要競爭交通 1510

澳門3A巴士係一條由澳門新時代公共汽車股份有限公司做緊,由司打口總站來回嘅巴士線。

背景[編輯]

1983年,當時由澳門新福利公共汽車有限公司前身澳門福利公共汽車股份有限公司成立,路線由內港碼頭來回外港碼頭,係澳門第一條提供全部冷氣巴士服務嘅巴士線(當時叫做冷氣豪華巴士線),由四架啱啱投入服務嘅「五十鈴」JCR460ZZ型單層巴士嚟行。

2001年4月23號,因應東北區發展,延伸服務到黑沙環關閘總站

2009年4月26號,交通事務局實施第二階段巴士路線調整,呢條線延伸到新口岸新填海區(皇朝區),重取消咗祐漢區一啲路程[1]

2010年1月25號,為咗配合澳門科學館開幕,延長到澳門科學館,重停埋「澳門科學館」站[2]

2010年8月21號,交通事務局檢討實施咗三個月嘅新馬路公交專道之後,為咗避免所有巴士集中嗮永亨銀行出面嘅巴士站上落客搞到,阻住巴士埋站同出站,同埋希望增加新馬路西段嘅人流,改善做生意嘅環境,所以取消停永亨銀行門口出面嘅巴士站,改停設響金碧文娛中心出面嘅新巴士站[3]

2011年8月1號,新巴士營運模式正式實行,呢條線判咗畀維澳蓮運嚟做。

2011年8月2號,因應呢條線客量極大,加埋新公司司機唔夠,令維澳蓮運出唔夠車,由政府協調新福利臨時派支援車幫手。

2011年8月28號,新福利唔再支援呢條線[4]

2013年10月2號,維澳蓮運申請破產,呢條線由交通事務局暫時接管九個月。

2014年7月1號,呢條線由澳門新時代公共汽車股份有限公司接手嚟做。

2016年4月25號,本線改用宇通十點五米大巴嚟行。

2016年5月28號,因應呢條線逐啲逐啲轉用長啲嘅車,但係啲長車停咗「孫逸仙大馬路/漁人碼頭」站之好難轉返出嚟,所以就唔停「孫逸仙大馬路/漁人碼頭」站[5]

2016年11月5號,因為重整祐漢區巴士站分佈同路線行程,所以取消停「看台街/中銀」站[6]

2016年11月18號,因應路面實際情況同客流,安排部分班次,以跳站形式嚟行,如果關閘周邊馬路塞車嚴重嗰時,由關閘總站開出之後改行其他唔塞馬路,跳到「東北大馬路/廣華」站之後續返原線嚟行,維持返之後嘅班次穩定[7]

2017年2月13號,響每日朝早七點到朝早十點半加開七班車[8]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[9][10]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

福利時期[編輯]

五十鈴JCR460ZZ

新福利時期[編輯]

新福利成立初期
1997年
2006年
  • 蘇州金龍10米中巴
  • 蘇州金龍9.3米中巴(支援)
2011年(支援時期)

丹尼士飛鏢SLF

維澳蓮運時期[編輯]

宇通ZK6902HG

新時代時期[編輯]

2016年頭之前

宇通ZK6902HG

2016年11月14號之前

宇通ZK6118HGE

2016年11月14號之後

走線[編輯]

車費[編輯]

  • 全程車費:澳門幣三個二。
  • 用澳門通全民卡,只係扣兩蚊,其餘由政府畀。
  • 用澳門通學生卡,只係扣一蚊,其餘由政府畀。
  • 用澳門通長者卡,只係扣三毫子,其餘由政府畀。
  • 用澳門通殘疾卡,只係扣三毫子,其餘由政府畀。
  • 澳門通IC卡月票適用。

服務[編輯]

服務時間 平時(禮拜一到五) 禮拜六、日(含公眾假期)
司打口總站 05:40-00:45
班次 06:00-10:00 6-10分鐘
10:00-15:00 7-12分鐘
15:00-20:00 6-10分鐘
20:00-01:15 12分鐘
06:00-08:00 12分鐘
08:00-20:00 10-12分鐘
20:00-01:10 12分鐘

停站[編輯]

3A走線圖
去司打口總站方向
  1. 司打口總站
  2. 火船頭街
  3. 新馬路/大豐
  4. 殷皇子馬路
  5. 亞馬喇前地
  6. 葡京酒店
  7. 總統酒店
  8. 城市日大馬路/波爾圖街
  9. 澳門文化中心
  10. 孫逸仙大馬路/金沙
  11. 馬六甲街
  12. 外港碼頭
  13. 友誼馬路/行車天橋
  14. 黑沙環新街/南華
  15. 黑沙環新街/建華
  16. 馬場東大馬路
  17. 關閘廣場
  18. 看台街
  19. 祐漢街市
  20. 勞動節大馬路
  21. 東北大馬路/廣華
  22. 東北大馬路/東華
  23. 慕拉士/飛通大廈
  24. 漁翁街/勞工事務局
  25. 外港碼頭
  26. 孫逸仙大馬路/友誼大馬路
  27. 澳門科學館
  28. 新口岸/文化中心
  29. 新口岸/馬德里街
  30. 捐血中心
  31. 仙德麗街
  32. 亞馬喇前地
  33. 中區/殷皇子馬路
  34. 金碧文娛中心
  35. 粵通碼頭
  36. 司打口總站
  • 途經站數: 36站

客量[編輯]

成立初期呢條線以冷氣豪華巴士線定嘅收費比普通線貴,加埋呢條線基本同10號重疊,令到客流偏低。後來兩條線因為熱狗巴士全部退役之後,價錢完全一樣,但係班次對比10號都係好疏,客流都係冇咩起色,之後重派埋三菱Rosa小巴嚟行。

但係經過多次調整同延長,令到呢條線響新口岸一帶來回黑沙環同關閘有獨市位,加埋賭權開放同人口增加,客流開始上升。雖然呢條線響新馬路有10號、10B同黑沙環有18號嚟爭同埋班次夠密做優勢,但係呢條線嘅作用除咗疏導3號主線巨大客流之外,重有新口岸一帶來回黑沙環同關閘嘅獨市位。有遊客會利用呢條線更快噉去到金沙等地方,就算其他都影響唔到客量,繁忙時間都可以班班爆棚,變成澳門嘅主要巴士線,用車逐步使用九到十米中巴嚟行,提高載客量。另外,響港澳碼頭到葡京之間同12號有一啲路段重疊,但係12號要去水坑尾先到黑沙環,而呢條線經友誼馬路之後直達黑沙環,加埋12號根本唔去黑沙環新填海區,只係到祐漢,所以威脅唔到呢條線客量。

[編輯]

  1. 交通事務局,第二階段巴士路線調整26日實施,2009年4月12日18:21:00
  2. 3A、8、10A、12路線25日起途經科學館
  3. 交通事務局,新馬路節假日公交專道續試行半年 增完善措施評估成效再定後續安排,2010年8月12日17:30:00
  4. 新福利人手緊獲准停止支援維澳,市民號報[失咗效嘅鏈]
  5. "三巴士站點周六取消". 交通事務局. 2016-05-26.
  6. "祐漢四巴士站周六起取消". 交通事務局. 03-11-2016. Check date values in: |date= (help)
  7. "11條巴士路線明(18日)起視情況以跳站形式運行". 交通事務局. 2016-11-17.
  8. "優化車務調度繁忙時段巴士增班疏人流". 澳門特別行政區政府交通事務局. 2017-02-11.
  9. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  10. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]