南華新邨

出自維基百科,自由嘅百科全書
所屬堂區 花地瑪堂區
房屋類型 經濟房屋
房屋用途 住宅
總塔樓座數 7
第1座 
入伙日子 2003年4月3號
樓齡 20年
第2座 
入伙日子 1999年5月3號
樓齡 24年
第3座 
入伙日子 1999年5月3號
樓齡 24年
第4座 
入伙日子 1999年5月3號
樓齡 24年
第5座 
入伙日子 1999年5月3號
樓齡 24年
第6座 
入伙日子 1999年4月29號
樓齡 24年
第7座 
入伙日子 1999年5月3號
樓齡 24年

停車場
南華新邨停車場

南華新邨澳門半島花地瑪堂區黑沙環新街馬交石街黑沙環海邊馬路,係屬於房屋局嘅經濟房屋。

美化[編輯]

民署話為咗完善黑沙環填海區嘅步行環境,民署計劃對南華新邨周邊嘅行人道搞美化,範圍會係成嗰南華新邨四邊,鋪兩色麻石地磚,同時亦都換埋鐵欄、鐵柱同鑄鐵鐘之類,籍住呢嗰機會優化步行環境,有關工程響2015年11月開始,去到2016年2月完工[1]

黑沙環新填海區E1區[編輯]

黑沙環新填海區E1區即係南華新邨後面三角空地,由南華新邨開工前到起好之後都一直閒置,長期冇人打理,佈滿野草、垃圾,附近居民都希望政府改善呢度嘅衛生環境。有居民話反正呢區停車位咁少,搞到啲人成日違泊導致呢區成日塞車,不如將呢度開闢成臨時公共停車場,既可以紓緩區內泊車位不夠問題、又可以改善交通塞車問題,亦可以改善環境衛生問題,一舉多得,值得考慮。但後之後都係一直閒置,之後政府亦曾經規劃過會響呢度起東北街市,但係附近居民反對先冇下文,直到2013年政府提出藍天工程,將呢度批咗畀婦聯起新學校連地庫停車場,希望改善婦聯響水坑尾嘅裙樓教學情況,新學校連地庫停車場響2016年11月30號完工開幕,但係地庫停車場就唔對外開放畀公眾用,所以之後每逢朝早又或者傍晚返放學時間學校旁邊馬揸度博士大馬路都會有大量家長將私家車停響度搞到大塞車[2][3][4]

意外[編輯]

2007年12月8號,響黑沙環新街嘅「黑沙環新街/南華」巴士站後面嘅南華新邨地鋪,地產鋪事頭婆朝早十點幾去到現場開鋪,到中午嗰時,佢老公打電話搵佢,但係冇人聽,之後去現場睇吓發現佢訓咗響鋪頭廁所位置,頸部受傷流血,地下留低大量血跡,立即打電話報警,消防救護員到場之後證實傷者死咗。之後司警公佈案中女死者姓許,四十幾歲,係澳門居民[5]

2014年2月13號,南華新邨第七座七樓有單位火燭,消防到場開喉灌救。火警中冇人受傷[6]

[編輯]

  1. (繁體中文)美化黑沙環填海區南華新邨周邊行人道工程[失咗效嘅鏈]民政總署,響2015年11月搵到。
  2. (繁體中文)閒置地可闢臨時停車場[失咗效嘅鏈]街坊會,響2009年7月7號搵到。
  3. (繁體中文)婦聯學校新校舍動工分享到:更多0 互聯網檔案館歸檔,歸檔日期2020年3月16號,.,婦聯,響2013年12月11號搵到。
  4. (繁體中文)崔世安出席婦聯學校新校舍揭幕禮巴士的報,響2016年11月30號搵到。
  5. (繁體中文)澳門地產女東主被殺明報,響2017年12月8號搵到。
  6. (繁體中文)南華新邨火警無人傷澳廣視,響2014年2月13號搵到。