跳去內容

威苑花園

出自維基百科,自由嘅百科全書
所屬堂區 花地瑪堂區
房屋類型 經濟房屋
房屋用途 住宅
總塔樓座數 3

塔樓
A座 
入伙日子 1998年6月12號
樓齡 26年
B座 
入伙日子 1998年6月12號
樓齡 26年
C座 
入伙日子 1998年6月12號
樓齡 26年

停車場
威苑花園停車場

威苑花園澳門半島花地瑪堂區台山,工廠街白朗古將軍大馬路菜園涌北街菜園涌巷,係屬於房屋局嘅經濟房屋。

背景[編輯]

2010年3月,有居民同民署反映威苑花園C座旁邊休憩區長期被商業佔用嘅情況時,重代大廈管委會呈送相關嘅實地影嘅相。話台山區人口多、樓宇密集,大廈居民嘅休憩場地本來已經係寥寥可數,每吋地方都難能可貴,威苑花園C座旁休憩區係大廈管委會幾經努力,響民署支持下響三年前才起好來用,而家竟然被某啲商業機構幾乎每日朝早擅自覇佔來用做貨物分流集散地,堆疊嘅貨比人重高,再加埋其他人亂咁泊嘅電單車,除咗佔用大面積嘅地方之外,重畀晨運人士帶來唔方便,甚至潛伏各種危險。希望政府關注呢到嘅情況,採取措施制止非法佔用休憩區嘅行為,等大廈居民可以響舒適、安全嘅環境入面休憩活動[1]

2015年12月3號,因應物業管理保安同清潔工種,即將響2016年1月1號開始實行最低工資,台山工廠街威苑花園爆發管理費加價拗撬。一批小業主不滿管理費加幅超過三成,每戶大約加八十蚊,加到三百一十五到三百五十五蚊不等,一度同大廈管理委員會成員拗撬,互相叫罵鬧。現場有現任管委會成員同街總協助人員,並聚集一批小業主響A座門口出面,有人要求管委會同管理公司退場改做小業主自管,亦有人譴責小業主帶埋唔係業主嘅人插手搞亂,場面一度混亂。小業主話,現任管委會賬目亂來,每月停車場管理費、天台出租電訊公司整基站租金之類嘅共同收入都去向唔明,先要求管委會先清楚交代條數。管委會代表回應話,管理費加價方案重未落實,小業主有權響下嗰禮拜投票否決,至於上述共同收入去向,就唔清楚[2]

意外[編輯]

1999年1月11號,威苑花園一個單位戶主因拜神導致火燭,引致石油氣罐爆炸,女戶主輕傷[3]

2009年4月6號,威苑花園發生家庭慘劇。一名十四歲少年本來同媽媽同埋十三歲嘅妹妹一家三口相依為命,慘劇入面一家三口好似平時一樣響屋企共享天倫。去到5號晚黑十一點幾,媽媽將瞓到好冧嘅女抱入房到,當時少年亦冇察覺媽媽有咩異常,就好似平時咁響自己間房到瞓,平日都習慣由媽媽叫醒嘅少年瞓到6號朝早十一點幾先醒,當時佢已經覺得好奇怪點解媽媽冇叫佢起身返學,少年就馬上去到媽媽同妹妹間房睇吓咩事,發現間房反鎖咗,叫極都冇人應,間房又冇嗮聲,心知不妙。彷徨無助嘅少年就即刻打電話響大陸做嘢嘅老豆,由老豆再通知朋友來協助。當朋友去到現場開門後,發現媽媽同妹妹倒轉瞓響另一間房嘅床到,不省人事,床邊留有一個裝住炭灰嘅器皿,於是立即報警求助。救護員接報趕到,證實兩母女已經死咗。之後司警到場調查,執走證物之後走咗,但係冇發現遺書。初步相信有人響嗰女瞓到好冧嗰時,帶埋個女燒炭自殺。一夜之間痛失至親嘅少年彷徨無助,社工局之後亦派員到場了解同跟進件事,協助少年撫平傷痛。社工局話目前正密切跟進少年嘅心理狀況,如果有需要,或者會提供臨床心理治療。響大陸做嘢、已經同媽媽分開咗成年幾嘅老豆亦響6號晚黑返來處理件事。據了解,少年媽媽懷疑因個人問題陷入財困,所以搞出呢次家庭慘劇,亦有街坊話曾經見過死者出入賭場,但確實嘅自殺原因有待警方調查。慘劇入面嘅媽媽姓吳,三十九歲,係職業司機。個女姓李,十三歲,據了解同大佬讀埋同一間北區中學[4]

2009年12月12號晏晝四點幾威苑花園大廈,警方接報有人從高處跌落地,跌咗落二樓平台。消防救護員到場證實傷重不治。司警接手調查,初步確認死者身姓梁,四十四歲,但係暫時未確定佢係差錯腳跌落樓定跳樓自殺死,暫時未將案件分類[5]

[編輯]

  1. (繁體中文)街總與業主訪民署冀改善大廈周邊環境[失咗效嘅鏈]街坊會,響2010年3月17號搵到。
  2. (繁體中文)威苑花園為加80元管理費爆糾紛巴士的報,響2015年12月4號搵到。
  3. (繁體中文)1999年澳門大事記澳門基金會,響1999年1月11號搵到。
  4. (繁體中文)澳門婦女攜熟睡女兒燒炭自殺 兒子夢醒痛失親人澳門日報,響2009年4月6號搵到。
  5. (繁體中文)壯漢大廈高處墮下亡 警未定為失足或跳樓華僑報,響2009年12月13號搵到。