青怡大廈

青怡大廈
澳門公共房屋
所屬堂區						花地瑪堂區
房屋類型						經濟房屋
房屋用途						住宅
總塔樓座數						2
			第1座
			入伙日子			2016年6月14號
			樓齡			8年
			詳細資訊一覽 樓層數：34
			第2座
			入伙日子			2016年6月14號
			樓齡			8年
			詳細資訊一覽 樓層數：34

青洲社屋響澳門半島花地瑪堂區青洲大馬路，係屬於房屋局嘅經濟房屋。

背景

青怡大廈由兩座樓高三十四層嘅塔樓組成（包括地面層RC），合共提供七百七十個經濟房屋單位，包括一房一廳（T1）單位一百二十個，兩房一廳（T2）單位有五百二十四個，三房一廳（T3）單位有一百二十六個。其中，有六百五十個單位畀萬九公屋隊伍合資格家團預配，其餘一百二十個單位作為多戶型經濟房屋申請，畀合資格家團選購。青怡大廈嘅𨋢已經配備點字制同發聲裝置，方便殘疾人士出入。大廈除咗住宅外，重設有衛生中心、公眾停車場之類嘅設施，提供一百八十三個輕型汽車泊車位同二百八十六個電單車泊車位。

2016年7月18號，房屋局分批安排青怡大廈經濟房屋嘅預約買受人（姐係準業主）搞上樓手續，包括畀層樓嘅錢、攞鎖匙、搞管理合同同畀相關費用等。為咗方便住戶查詢同知道入住要注意嘅事項，房屋局已經將相關資訊上載到房屋局網頁。房屋局將會響今季完成嗮六百五十個具備條件嘅預約買受人搞上樓手續。

2017年8月16號，房屋局加緊跟進經濟房屋家團嘅做契工作，爭取今年為具備做契條件嘅「萬九輪候家團」進行資格審查同發出許可書。局方已經提前發函通知六百三十四個青怡大廈預約買受人提交做契用到嘅文件，跟進審查工作。隨著物業登記局完成青怡大廈分層所有權設定嘅確定性登錄，房屋局向青怡大廈經濟房屋首批二百個合資格家團簽發買賣公證書（俗稱做契）嘅許可書，正按次序委託私人公證員跟進做契工作，同時加緊審查其餘個案嘅做契資格。「萬九輪候家團」入面已經簽咗預約買賣合同嘅有六千九百八十二個家團，截至16號，房屋局已經發函通知六千九百四十二個預約買受人提交做契用到文件，至今已經向五千七百四十二個永寧廣場大廈、湖畔大廈、安順大廈、居雅大廈、業興大廈、青葱大廈同青怡大廈嘅家團發出許可書，其中，已經委託私人公證員嘅簽契數量有五千三百五十六個，有四千四百二十四個家團已經完成簽契，正係到排緊簽契嘅家團有六百八十六個。

事件

2016年11月16號朝早洗水池，二十樓多個住戶單位出現水浸。經過了解發現響騎樓嘅大廈公共渠口嘅出水口不停有水湧出，水位高過門框。管理公司就話洗水池期間懷疑因為水量過大，積水從騎樓去水口湧翻入屋，部分業主屋企入面家私、電器全部浸濕，損失慘重。