青洲社屋

出自維基百科,自由嘅百科全書
所屬堂區 花地瑪堂區
房屋類型 社會房屋
房屋用途 住宅
總塔樓座數 4

塔樓
第1座 青泉樓
入伙日子 2007年8月6號
樓齡 16年
A座 青雅樓
入伙日子 2011年7月22號
樓齡 12年
B座 青翠樓
入伙日子 2010年5月20號
樓齡 13年
C座 青松樓
入伙日子 2009年12月18號
樓齡 14年

青洲社屋澳門半島花地瑪堂區青洲新馬路海棠巷,係屬於房屋局嘅社會房屋。

背景[編輯]

2011年5月11號朝早九點半,青洲社會房屋A大樓一樓同地下大堂嘅社會設施裝修工程響建設發展辦公室開標,工程總面積一千一百四十平方米左右,工程主要將分開多個獨立空間,畀房屋局做民防中心同社會工作局做青少年外展中心等。有關工程造價由六百二十九萬九千八百蚊到九百六十三萬八千零八十四元到,工期由一百一十二日到一百二十日。工程最快響下半年動工,預計可以提供四十個就業職位。十七間遞交標書文嘅的公司全部接納,但係其中兩間公司要響限期內補交文件。至於青洲社會房屋A大樓建造工程亦都就快完成,落成後可以提供三百五十七個住宅單位,大樓除咗設有社會設施之外,二樓重有平台花園[1]

意外[編輯]

2012年4月18號晏晝四點幾,青洲新馬路青洲社屋青翠樓七樓一個單位,一個十二歲後生仔響屋企懷疑被老母鬧佢冇返學發生拗撬。期間情緒激動,響屋入面不停講要跳樓,老母嚇到要報警重通知社工。警方、消防、社工分別到場勸喻,情緒先回復平靜,唔使送院。消防之後收隊走人,事件有待警方調查[2]

2014年1月19號晚黑十點左右,青洲新馬路青泉樓十一樓一個單位,一名廿一歲姓黃女人沖涼嗰時聽到安裝響浴室嘅電熱水爐傳出怪聲,冇耐就發生爆炸,熱水濺到四圍都係,背脊被熱水六傷,大聲求救。屋入面嘅老豆聽到之後即刻報警。消防到場將傷者送院治理,冇咩大礙。警員到現場調查,見到電熱水爐外殼同內膽爆開,跌響浴室到。治安警同消防員向傷者老豆了解情況。佢話出事嘅熱水爐用咗兩三年,個女沖涼前先開爐,點知會出事。事件真正原因有待調查。房屋局之後話,經了解係電熱水爐內膽爆裂,搞到出水管甩咗,熱水淥親家團成員,因應同類事件,房屋局會跟進約見有關租戶。呼籲公屋住戶注意安裝熱水爐安全,要請合資格師傅安裝符合安全標準嘅熱水爐,避免意外發生。而有爐具公司職員話,涉事熱水爐屬於儲水式,容量六點五加侖左右,好難估今次爆炸原因。而家響澳門賣嘅電熱水爐必須通過檢測重要有及格證明,爐具百分百有防熱、防爆嘅功能。但係就算係噉,亦唔建議將熱水爐安響浴室到,因為浴室易積聚水氣同潮濕,會令到個爐生鏽,基本上冇得防。建議如果屋企條件可以,將熱水爐安響廚房又或者騎樓,煲滾水之後先閂電掣再沖涼,以策安全[3]

2014年8月20號朝早十點幾,有人行過青洲新馬路青翠樓地下中央石油氣總掣房聞到有石油氣味,懷疑漏氣,於是通知管理員同報警求助。治安警同消防接報到場處理,消防員開喉戒備,用氣體探測器檢查現場氣體濃度,發現總掣房入面有氣閥漏氣,立即通知氣體供應商同閂總截流閥,房屋局知道事件之後,亦到現場了解情況。消防之後確認事件冇人受傷,住戶唔使疏散。經初步調查,相信有氣閥老化搞到漏氣,氣體供應商人員隨即派員維修。事發後大廈供氣冇受影響[4]

2017年8月23號,颱風天鴿帶嚟嘅風暴潮,青洲社屋被海水浸咗,全澳停水斷停,青洲社屋青泉樓26號復電都唔夠一日,響27號凌晨又突然斷電,多個住戶都話熱到訓唔到。住響十三樓嘅七十幾歲吳婆婆話,屋企好熱,又聞到垃圾房傳來嘅臭味,冇覺好瞓。由於斷埋石油氣,冇得煮飯,中午要由義工送飯。經過搶修之後,27號晏晝恢復供電[5]

[編輯]

  1. (繁體中文)青洲社屋A樓內部裝修開標,澳門日報,響2011年5月12號搵到。
  2. (繁體中文)十二歲少年揚言跳樓 ,澳門日報,響2012年4月19號搵到。
  3. (繁體中文)電熱水爐爆炸灼傷女子,澳門日報,響2014年1月21號搵到。
  4. (繁體中文)青洲社屋漏石油氣,澳門日報,響2014年8月21號搵到。
  5. (繁體中文)義工助青泉樓長者度難關,澳門日報,響2017年8月28號搵到。