美樂花園 (澳門)

美樂花園
澳門公共房屋
所屬堂區						花地瑪堂區
房屋類型						經濟房屋
房屋用途						住宅
總塔樓座數						1
塔樓
			第1座 美樂花園
			入伙日子			1986年2月26號
			樓齡			38年

  想搵第二個意思嘅話，請睇美樂花園。

美樂花園響澳門半島花地瑪堂區青洲河邊馬路，係屬於房屋局嘅經濟房屋。

安全問題

2010年，美樂花園管理委員會話，因為有大廈業主收到工務局同房屋局嘅信，責令其中一個除僭單位拆除僭建物，但係嗰位業主唔服重話如果要拆，就要成幢大廈所有僭建物都應該要拆。管委會亦話，基於大廈僭建問題嚴重，加埋受到多幢建緊嘅社屋打樁影響，樓宇結構同人命安全令人擔憂。美樂花園有業主響公共天井又或者外牆違建花架成十六個，屬前座單位嘅有三十七個，後座單位有三十九個，花架越建越大，有業主重將間房嘅空間面積擴大延伸到露台同天井，如果僭建物導致人命傷亡事件，要大廈業主又或者委員會共同承擔責任係唔合理、唔公平。

2008年10月20號晚黑八點，建設發展辦公室、工務局同房屋局響美樂花園小業主就青洲社屋A座嘅圖則修改舉行解釋會，有四十個左右嘅小業主出席。期間小業主話，由於美樂花園只有六層高，而且同A座大樓位置好近，擔心大樓起好會對居住環境採光、通風造成影響；同時亦擔心已有有成廿年樓齡嘅美樂花園，樓宇結構同可能因為A座大樓施工而受損，希望政府關注。就小業主關心嘅問題，政府代表解釋：A座大樓施工遲遲未動工之一，就係之前聽咗A座大樓附近居民嘅意見之後，響圖則上做咗修改，包括樓宇高度由五十五層降到廿五層，外型設計亦加強咗採光、通風效果而作出調整。有關圖則正響審批階段。重有工程施工之前，承建商一定要對周圍樓宇結構進行檢查，重記底有問題嘅情況，奴果證實周圍樓宇因為施工引致嘅損毀，政府一定會責成承建商按程序進行修復，至於工地噪音問題，政府承諾會持續加強監管，保障居民日常生活唔受工程影響。重有小業主提出，希望政府將成棟美樂花園收購，以樓換樓嘅形式重新安置佢哋，令到兩幅地合併發展社會房屋。政府代表解釋，響現時機制之下，冇樓換樓嘅制度。政府重申，青洲A座社會房屋係回應社會住屋需求嘅項目之一，政府希望盡快落實興建；響同一時間，亦會多啲聽居民意見同建議，可以平衡各方訴求。

2010年1月23號晚黑八點響美樂花園大堂舉行講解會，房屋局樓宇管理支援處處長李兆林、街總大廈管理資源中心秘書奏昶出席，重詳細講解《都市建築總章程》諮詢文本內容，釋除居民疑慮。

意外

2016年11月29號凌晨六點左右，美樂花園後面空地有雜物燒着，消防到場開喉灌救，疏散咗四十人，冇人受傷，響大廈地鋪嘅流動圖書館車亦受到波及，有圖書着火，消防隨即開喉灌救同排煙，將火救熄。之後消防話，起火原因有可疑，已經通知司警局同文化局人員到場。