八達新邨

出自維基百科,自由嘅百科全書
所屬堂區 花地瑪堂區
房屋類型 經濟房屋
房屋用途 住宅
總塔樓座數 8

塔樓
A1座 瑞安樓
入伙日子 1990年1月16號
樓齡 34年
A2座 瑞祥樓
入伙日子 1990年1月16號
樓齡 34年
A3座 兆輝樓
入伙日子 1990年1月16號
樓齡 34年
A4座 兆發樓
入伙日子 1990年1月16號
樓齡 34年
B1座 亨通樓
入伙日子 1990年1月16號
樓齡 34年
B2座 亨利樓
入伙日子 1990年1月16號
樓齡 34年
B3座 泰康樓
入伙日子 1990年1月16號
樓齡 34年
B4座 泰興樓
入伙日子 1990年1月16號
樓齡 34年

停車場
八達新邨停車場

八達新邨澳門半島花地瑪堂區慕拉士大馬路同區神父街,係屬於房屋局嘅經濟房屋。

懷疑危樓[編輯]

八達新邨業主響2013年同街坊會投訴,希望促請政府有關權限部門加大監管力度,徹底整治區內地盤發展為周邊設施帶來嘅影響,盡快將區內安全環境畀返市民,確保大家出行方便、安全。中心人員連同八達新邨業主到現場實地巡查,發現問題不容漠視。八達新邨泰興樓、亨利樓、兆發樓、瑞祥樓,同聖保祿中學之間嘅區神父街,根據業主反映,泥頭車響朝早八點已開始出入區神父街,由於承載重型建築物嘅泥頭車不停出出入入,已經搞到路面凹凸不平,行人路邊亦出現裂痕,反映咗路面已經唔能夠承受重型泥頭車咁持續出出入入,加埋鄰近學校,附近住客同學生咁多人,泥頭車出入亦影響行人出入安全。另外,泥頭車嘅沙石同建築廢料,懷疑處理唔好,搞到條街入面嘅污水渠堆積垃圾塞渠,影響區內同大廈嘅排水功能,來緊雨季或者會水浸。由於附近地盤開工期間,重型泥頭車不停出入區神父街,亦搞到樓宇部分結構出現問題,例如大廈門口嘅瓷磚剝落,大廈消防層出現裂痕之類。業主擔心,如果工程泥頭車繼續用區神父街出入地盤,附近居民生活一定受到重大影響。八達新邨業主話,附近另一個地盤,望廈社會房屋第二期開工期間,泥頭車亦有經區神父街出入,但同運輸基建辦公室反映之後,泥頭車已經冇經呢條街出入地盤,改由經慕拉士大馬路出入。由於宜家發展嘅地盤係屬於私人性質,業主曾經打過電話畀相關政府部門反映,要求泥頭車出入嗰時唔要開到區神父街,同時要求改善區內情況,但相關部門到宜家到未就相關情況回覆。本中心同八達新邨業主希望政府能夠就相關情況,盡快畀市民一個明確交代同回覆,避免日後因為地盤發展搞到社會再次出現危樓事件,影響居民生活[1]

2014年1月,八達新村瑞祥樓有業主反映,大廈因為隔離地盤施工出現傾斜,停車場同地舖牆身都出現唔少裂痕,大廈入面三部𨋢有一部已經因為大廈傾斜而停用,其餘兩部就成日困𨋢。有業主驚大廈又變成善豐翻版,希望相關部門關注大廈安全情況。工務局回覆查詢話,局方已經責成地盤承建商加強安全措施同交檢測報告,報告顯示有關大廈傾斜度響安全範圍。而且承建商同八達新村管委會就已經為整𨋢達成共識,由承建商承擔維修費同之後一年半嘅保養費。但係記者日前到現場睇吓嗰時就發現雙數𨋢又壞咗,有一對父子困𨋢,需要消防到場處理。現場亦有唔少業主埋怨三部𨋢成日壞,中間嗰部單雙數𨋢就嚴重到停用。有業主話啲𨋢壞係隔離大廈地盤開工搞成。另外根據業主管委會貼嘅通告,指大廈停車場好多地方出現裂痕,為安全着想,禁止大型貨車同裝修泥頭車出入。由於大廈傾斜、牆身出現裂痕同部𨋢成日壞,有小業主講明好驚大廈結構安全問題,重驚會變成第二個善豐花園事件。有地舖商戶話,雖然知道政府相關部門有派人到場了解情況,但係結果係點就唔知,所以都好驚[2]

維修資助不足[編輯]

2016年3月22號下晝三點半,八達新邨管委會代表歐陽淑娥聯同幾個業主代表、工程承建商之類,響大廈停車場入面搞記者招待會,向傳媒講有關情況。歐陽淑娥話,委員會多年來都收到消防局話大廈入面防煙門失修,但係一直都冇錢搞工程。舊年依法召開分層建築物所有人大會之後,同業主解釋房屋局嘅樓宇資助維修計劃最高可以資助工程三成,所以決定重整大廈入面七百七十四隻防煙門同三百幾隻電錶門,強調係按法律程序經過公開招標之後得出總工程費係二百八十幾萬蚊,但係工程搞完之後到房屋局申請資助只係批出十六幾萬蚊,局方亦冇詳細解釋相關標準,講明「早知咁少就唔會做」,又強調新嘅防煙門用料、造工之類都比之前好,加上招標嗰時已經講明「先墊支、再畀返」嘅條件,委員會宜家需要畀多幾年先找返條數,難以同業主交代,期望局方跟進同處理有關情況。負責協助個案嘅街總大廈工作委員會主任程順明認為,本澳好多大廈響開展公共地方維修工程嗰時,都冇辦法知到當局批出資助金額嘅標準,當大廈委員會按正常程序招標同埋搞掂維修之後攞到嘅局方資助,但係銀碼都唔會好似嘅三成搞到呢嗮迤,也都好難同業主交代,期望局方日後可以制定多啲參考資料,例如用料、工程價格同對應嘅資助金額之類,方便居民展開工程嗰時可以參考。之後,房屋局工程事務處長王世平回應話相關個案已經去到聲明異議程序,宜家唔放便透露詳情,而局方收到申請之後將交畀樓宇維修基金行政管理委員會審核,視乎個案提出嘅工程價格、展開必要性之類因素,再結合市場價格之類各方面考量批出款項,找數之前亦會了解工程係唔係搞掂,強調局方緊守公帑善用原則批出款項,舊年一共批出三千九百幾萬去支持業主保養同維修大廈[3]

意外[編輯]

2011年10月3號晏晝兩點幾,八達新村泰興樓傳出巨響,有居民響發出巨響嘅地方發現一個男人瞓咗響六樓天井簷篷,四肢抽搐,奄奄一息。由於現場環境,消防員要游繩先去到傷者嘅位置,證實傷者重有生命跡象,但係頭部大量出血,已經陷入昏迷。由於情況危急,消防員用架生撬開連接天井嘅走火通道上嘅玻璃窗框,放低吊船,成功將跌落樓嘅男人抬離天井,送去山頂醫院搶救,但係喺晏晝五點五十分不治。司警接報到場調查,證實死者係做莊荷廿四歲嘅姓劉男人,同佢屋企人了解之後,死者住響呢到低層單位。有人工作唔如意,曾經因為壓力問題睇過醫生,有精神病記錄。經調查,司警發現十七樓嘅天井位有嘢撞爛過嘅痕跡,十八樓有玻璃窗開咗,相信有人走到高層跳落來,最終響六樓簷篷擋住冇跌到地下。司警初步相信呢單嘢冇可疑,確實死因要等驗屍之後先知[4]

2012年3月13號晏晝一點左右,一個學生經過八達新邨八達商場嗰時,發覺商場通道門口有火光,走廊門口兩邊一堆紙皮同木板燒着咗,所以通知商戶報警求助。治安警同消防到場,火勢好快被救熄,事件入面冇人受傷。消防員響現場發現兩到火頭,初步認為起火原因有可疑,通知司警跟進。現場見到商場部分吉舖入面垃圾滿地,重有惡臭,走廊堆放工程雜物,衛生條件惡劣。有商戶話,由於商場冇設立管理處,成日畀人佔用通道亂擺雜物,消防設備殘舊,商戶成日反映意見,但係一直冇得到正面回覆,今次火警敲響商場消防隱患警鐘[5]

2012年3月13號晏晝三點,八達新邨瑞祥樓十一樓一個單位火燭,火勢一發不可收拾,火舌亂走,冒出大量濃煙,大批住客聞到燶味,亦有人瞓咗教被濃煙焗醒,紛紛跑到地下同天台走佬。消防員到場嗰時,火勢已經好勁,立即開喉灌救,派埋煙帽隊去火場,證實單位冇人,治安警就封鎖現場。消防同時疏散三十幾個住客,其中一個四十幾歲嘅女人同兩個甚燜仔吸入濃煙唔舒服送院。火勢響十分鐘內受控,之後被救熄,起火單位完全燒嗮。消防話,肇事單位面積五百呎左右,單位擺滿雜物,亂七八糟,事發嗰陣由嗰廳首先着火。消防事後聯絡到着火單位嘅男住戶同行動唔方便嘅女住戶,女住戶話事發前半個鐘左右由看護陪同出街就火燭。消防經過調查,確定唔到着火原因,通知司警接手調查,男住戶之後翻返屋企了解情況。火警大廈到晚黑六點先解封,案件交畀司警縱火罪案調查科跟進[5]。到15號消防局話,經過深入調查之後,已經排除可疑成份,證實火警由電線漏電搞成[6]

2012年7月9號晚黑八點半,八達新邨泰康樓火燭。有住戶發現一樓平台有火光,懷疑發生火警,用水喉救火兼報埋警。治安警同消防分別接報到場,消防響事發平台搵火頭,由於火警已經被住戶救熄,消防人員開喉防止死灰復燃。事件入面冇人受傷。有住戶話,高層住戶經常亂抌煙頭之類嘅垃圾,懷疑就係噉辣着咗平台雜物搞到火燭[7]

2017年2月18號夜晚九點,消防接報八達新邨兆發樓二樓火燭,消防去到現場已經救熄咗,檢查發現燒爛簷篷雜物同花籠入面膠兜,冇人受傷,簷篷周圍有好多煙頭。消防認為火警有可疑,通知司警跟進。司警接手調查之後懷疑係高層單位有人將未整熄嘅煙頭抌到簷篷上燒着雜物搞到火燭,經過排查同分析現場情況之後,發現簷篷上邊某個單位嘅鄭姓男住戶有吸煙習慣,司警相信極有可能因為咁搞到火燭,所以拉咗佢,呢位姓鄭男住戶,七十六歲,本澳居民,退休人士,經過查問之後,有人承認響火燭前將未整熄嘅煙頭抌出窗;涉嫌縱火被移交檢察院處理。司警再次呼籲有吸煙習慣嘅居民必須注重公德,唔應該將未整熄嘅煙頭亂抌,唔係搞到火燭要負上刑責,累人累物[8]

2017年9月27號凌晨二點五十分,有市民發現區神父街八達新邨瑞祥樓五樓位置有煙冒出,立即報警求助。治安警同消防員接報到場,發現大廈五樓一個單位花籠位置有一米乘半米左右雜物曾經燒過,住戶已經自己將火救熄,火警入面冇人受傷或唔舒服,唔使疏散。消防員調查發現起火原因有可疑,懷疑有大廈其他住戶亂抌未熄煙頭出窗搞到火燭。消防員通知司警到場調查,司警到場調查搜證,案發單位戶主個仔承認案發前響房個窗到吸煙,響出房時,隨手將未熄嘅煙頭抌出窗,煙頭燒着放響窗口花籠雜物搞到火燭。所以有強烈跡象顯示佢過失而搞到火燭,司警人員將佢帶返司警局做進一步調查。涉案男人姓梅,廿幾歲,澳門居民。涉及《刑法典》造成火警、爆炸同其他特別危險行為罪第二百六十四條第二款,即係因為過失而搞到條文規定嘅危險,可以處一到八年監禁,已經移送檢察院處理[9]

2017年10月18號晚黑十一點,八達新邨亨通樓五樓樓梯間傳出石油氣味,消防到場響一個單位廚房入面渠口位探測到濃度係200PPM嘅硫化氫,隨即向渠口灌水,再用儀器探測,讀數係1PPM,隊員之後搜索其他樓層冇發現,現場冇明火、冇傷病者,事件入面有七個住客自行疏散到地下,初步調查事件係天台排氣管壞咗搞到氣體積聚[10],之後響10月24號,有住戶懷疑排氣管過窄搞到安全隱患召開記者會[11]

[編輯]

  1. (繁體中文)八達新邨業主憂地盤損結構澳門日報,響2013年3月26號搵到
  2. (繁體中文)八達新邨真有傾斜危機? 互聯網檔案館歸檔,歸檔日期2014年4月30號,.,澳門日報,響2014年1月18號搵到
  3. (繁體中文)八達新邨批維修資助不足 互聯網檔案館歸檔,歸檔日期2016年3月27號,.,澳門日報,響2016年3月23號搵到。
  4. (繁體中文)兩莊荷先後跳樓賠命,澳門日報,響2011年10月4號搵到。
  5. 5.0 5.1 (繁體中文)八達新邨一日兩宗 商場疑遭縱火澳門日報,響2012年3月15號搵到。
  6. (繁體中文)瑞祥樓火警漏電引起澳門日報,響2012年3月16號搵到。
  7. (繁體中文)外賣店火警五十人疏散澳門日報,響2012年7月10號搵到。
  8. (繁體中文)老翁涉丢煙蒂惹禍 互聯網檔案館歸檔,歸檔日期2017年2月22號,.,澳門日報,響2017年2月19號搵到。
  9. (繁體中文)青年涉亂丟煙頭惹官非 互聯網檔案館歸檔,歸檔日期2017年11月1號,.,澳門日報,響2017年9月28號搵到。
  10. (繁體中文)八達新邨亨通樓有單位測出硫化氫澳廣視,響2017年10月19號搵到。
  11. (繁體中文)有住戶疑排氣管過窄憂有安全隱患 互聯網檔案館歸檔,歸檔日期2017年11月17號,.,澳廣視,響2017年10月24號搵到。