氹仔平民新邨

氹仔平民新邨
澳門公共房屋
所屬堂區						嘉模堂區
房屋類型						社會房屋
房屋用途						住宅
總塔樓座數						3
			第9座
			入伙日子			1992年8月15號
			樓齡			31年
			第10座
			入伙日子			1992年8月15號
			樓齡			31年
			第11座
			入伙日子			1992年8月15號
			樓齡			31年
停車場
			黑橋街停車場
			輕型汽車車位				95
			電單車車位				80
			詳細資訊一覽 高度限制：1.95米 出入口位置：黑橋街

氹仔平民新邨響澳門氹仔嘉模堂區黑橋街同地堡街，係屬於房屋局嘅社會房屋。

背景

氹仔平民新邨原本打算興建十一座大廈做社會房屋，但係1999年中國對澳門行使主權之前有啲人唔肯搬走搞到長年收地唔成功，只係落成到第9、10同11座，而第1至8座就冇起過。1999年之後就決定取消第1到8座嘅氹仔平民新邨，改建經濟房屋，即係而家嘅泉福新邨。

2017年7月25號，房屋局就氹仔平民新邨整治工程開標，房屋局職務主管郭杰平話，有關工程主要包括維修因為天台防水層爛咗同去水管塞咗，搞到外牆同窗框滲漏，同埋地面平台花園部分飾面老化同爛咗，搞到地牢公共停車場滲漏，工程主要涉及三座氹仔平民新邨，合共十幾個頂層複式單位。佢解釋，二、三年前已經出現滲水情況，期間亦做過簡單維修，但係就冇法全面解決問題。有關工程合共收到廿八份標書，爭取響今年底動工，工期唔超過二百一十個工作日。佢透露，房屋局未來亦將對台山新城市、濠江花園同埋台山平民新邨嘅社屋進行整治工程。

入住率

2014年2月14號，扎鐵工會理事長黃偉民話，佢響2013年10月轉到氹仔平民新邨5樓一個單位到住，之後發現同一層有成大約十個單位冇人入住，重懷疑其他樓層亦有單位吉咗，希望政府畀申請社屋嘅家團入住。團體計劃到政府部門遞請願信，反映意見。