民安新邨
民安新邨
| |||||||||||
---|---|---|---|---|---|---|---|---|---|---|---|
所屬堂區 | 花地瑪堂區 | ||||||||||
房屋類型 | 經濟房屋 | ||||||||||
房屋用途 | 住宅 | ||||||||||
總塔樓座數 | 4 | ||||||||||
![]() |
第1座 | ||||||||||
入伙日子 | 1989年3月23號 | ||||||||||
樓齡 | 35年 | ||||||||||
![]() |
第2座 | ||||||||||
入伙日子 | 1989年3月23號 | ||||||||||
樓齡 | 35年 | ||||||||||
![]() |
第3座 | ||||||||||
入伙日子 | 1989年3月23號 | ||||||||||
樓齡 | 35年 | ||||||||||
![]() |
第4座 | ||||||||||
入伙日子 | 1989年3月23號 | ||||||||||
樓齡 | 35年 | ||||||||||
停車場 | |||||||||||
![]() |
民安新邨停車場 | ||||||||||
詳細資訊一覽
|
民安新邨響澳門半島花地瑪堂區看台街、市場街、馬場大馬路同中心街,係屬於房屋局嘅經濟房屋。
背景
[編輯]2012年6月12號,治安警同街總大廈管理資源中心舉行治安座談會,民安新邨業主委員會反映大廈去天台嘅樓梯時不時發現有用過嘅針筒,擔心大廈治安。記者響座談會完咗之後跟住業主會成員到民安新邨,被指發現有用過嘅針筒樓梯響一個禮拜前曾經清理,但係記者重發現有用過嘅針筒抌響度。治安警話,警方關注毒品社區化,會採取針對性預防工作。
另外,民安新邨入面響2012年陸續發現十二個咪錶抌響度,而咪錶嘅錢箱就撬開咗,住客懷疑有不法之徒利用大廈收集贓物,已經同警方舉報[1]。
2016年10月11號晏晝,李克強訪澳第二日喺民安新邨附近嘅鏡平中學視察期間,治安警封鎖附近馬路唔畀人或車通行,搞到民安新邨居民返唔到屋企又或者響大廈到出唔到來,同治安警發生拗撬,最後要由治安警逐個逐個護送入去[2]。
犯罪
[編輯]民安新邨兇殺案
[編輯]2003年10月29號朝早,看台街民安新邨第一座一個單位發現一個女死者,女死者係陳某明,二十九歲,做莊荷,同鄰居同街坊都比較熟。當日死者嘅家傭去到現場時發現死者伏屍響間房嘅床到,四肢被人用繩綁住。司警調查,發現死者頸部有明顯瘀痕,相信被人勒死,認為死因有可疑。但係當時兇案單位大門冇爛到,現場有被搜掠過嘅痕跡,死者銀包入面嘅現金同手機都唔見咗。案發嗰時鄰居都冇聽到單位入面有特別嘈嘅聲,亦聽唔到死者養嘅狗係度吠,估計死者響深夜放班返屋企時遇害。司警因為當時資料有限,案件冇辦法取得突破。隨住刑事調查科技不斷進步,經過多年追查,2013年年中鎖定目標,2014年7月知道涉案疑兇匿響大陸,司警隨即派員通知廣東省公安廳要求協助。對方立案調查,7月24號晏畫聯同順德公安局,響佛山信德區樂松縣一間賓館拉咗涉案嘅曾某松,四十六歲,廣東省順德區人,三行工人。據了解,兇徒有一女,而警方響曾某松嘅屋企查獲陳某明被搶走嘅兩隻玉石戒指之類贓物。曾某松已被廣東順德區檢察院批准逮捕。調查發現,曾某松係識得女死者,因爛賭爭落巨債,案發當日上門同死者撲水失敗,就即刻將佢綁住,重用刀指嚇要脅交出財物同提款卡密碼。曾某松劫走手錶、玉戒指之類飾物同攞咗一萬一千蚊現金之後,擔心死者報警揭發,於是返翻單位殺人滅口,用毛巾勒死事主,行兇之後潛水返大陸。2009年曾經短暫來澳,之後再潛水返大陸。司警響有關部門協助之下,經過比對兇徒嘅DNA同指紋,證實同兇案現場蒐集到嘅脗合,有人承認犯案。司警話,今次偵破十一年前單案有賴廣東省公安廳協助,再次反映粵澳警務合作機制得食[3]。