氹仔
跳去導覽
跳去搵嘢
 | 唔該幫下手加長、改好啲呢篇文。 討論頁或者要求加料版可能有多啲資料。 |
氹仔（葡文：Taipa），原名潭仔，係澳門其中一個部份，響澳門半島同路環之間。面積大約7.4平方公里（2011年），人口約78,500人。
歷史[編輯]
氹仔以前係兩個小島，分為大氹同小氹，由一個沙洲相連。之後填海，令兩個小島合二為一成為氹仔。依家氹仔嘅大潭山同小潭山就係當初嗰兩個小島。
名[編輯]
以前，氹仔又叫做「潭仔」，至於個葡文名就由閩南話讀「氹仔」嘅音 /tiap-á/ （讀做「tiamp-a」）演變做「Taipa」[未記出處或冇根據]。
而傳說話葡萄牙人第一次登陸氹仔，就同當地人問地名「Nome?」（「名」響葡文叫「Nome」，英文則叫「Name」），當地人聽成「糯米？」，以為佢問有冇糯米賣，於是就答佢「大把」，葡萄牙人就將佢轉成葡文「Taipa」，成為氹仔嘅葡文名。
交通[編輯]
路氹連貫公路係主要道路往返氹仔同路環；另外有三條大橋分別係友誼大橋、嘉樂庇總督大橋同西灣大橋連接氹仔同澳門半島。
氹仔亦係澳門第一個地方有鐵路。澳門輕軌第一段路線（氹仔線）已經投入服務，由海洋運行至氹仔碼頭。
