建華大廈
建華大廈
| |||||||||||
|---|---|---|---|---|---|---|---|---|---|---|---|
| 所屬堂區 | 花地瑪堂區 | ||||||||||
| 房屋類型 | 私人房屋 | ||||||||||
| 房屋用途 | 住宅、商業 | ||||||||||
| 總塔樓座數 | 14 | ||||||||||
 |
第1座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第2座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第3座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第4座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第5座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第6座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第7座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第8座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第9座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第10座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第11座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第12座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第13座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
|
|
第14座 | ||||||||||
| 入伙日子 | 1991年 | ||||||||||
| 樓齡 | 33年 | ||||||||||
| 停車場 | |||||||||||
|
|
建華大廈停車場 | ||||||||||
詳細資訊一覽
| |||||||||||
建華大廈係澳門一個私人房屋，響澳門半島花地瑪堂區黑沙環新街、涌河新街、黑沙環海邊馬路。
意外[編輯]
2010年9月16號晚黑九點，建華大廈第一座地下樓梯電箱突然傳出爆炸聲，啲火周圍走，團團濃煙湧出，成橦大廈即刻停電，過百戶烏燈黑火，層層樓都黑嘛嘛，有人立即報警。消防接報派出消防、搶救同水泵車去救火，多架救護車先後到場戒備。消防員利用滅火筒好快將火救熄。一個菲律賓籍嘅男人困𨋢，要由消防員協助救出。由於電箱響樓梯隔離，加埋唔少樓層冇閂埋防煙門，搞到出現煙囪效應，走火通道滿布濃煙，短時間就湧到上去。為咗防止有人被困又或者唔舒服暈低，煙帽隊分成多個小隊逐層去搵，期間，七個男女懷疑吸入濃煙唔舒服，要送院治療，其中一個阿婆情況嚴重，要到深切治療，其他人情況普通。響消防員協助之下，四十一個住戶先後離開大廈，冇受傷，唔使送院。着火電箱燒嗮，外牆熏黑，擺響電箱隔離嘅清潔架生亦燒嗮。經過調查，初步懷疑電箱壞咗引發火警，起火原因冇可疑。電力公司事後派員搶修。有住戶話，事發嗰陣響廳到睇電視，全屋突然停電，開門睇吓，發現隔離屋都係一樣，之後響埋警鐘，先知火燭，走樓梯逃生。之後去到樓梯冇嗮燈光，伸手睇唔到手指，重俾濃煙嗆鼻。幾百戶住客摸黑爭住疏散，細路仔驚到喊，係噉傳出嗌救命嘅聲；加埋樓梯有雜物阻塞，情況極之混亂，差啲搞到人踩人。逃到街到啲人，有唔少人都重係着住睡衣、拖鞋，搞到捩咁棄。有住戶重話，之前電箱曾經發生過火燭，雖然未到嚴重事故，但係今次又出事，懷疑電力負荷唔到搞成[1]。
2011年10月3號晚黑十點半，建華大廈第五座十三樓一個單位，梁女同老公因為錢銀拗咬，之後梁女情緒激動，突然衝入間房，禽上窗台，打開窗台花籠活門鎖。有大廈住戶發現梁女當時曾經雙手緊握花籠鐵枝，大嗌：「我跳啦！我跳啦！」之後就跳咗落去，跌到二樓停車場平台，發出巨響。佢老公立即刻開門睇吓，發現花籠活門打開，見到老婆跌咗響三十幾米嘅停車場平台到，嚇到呆咗，把口撳撳侵侵講：「今次冇啦！」立即落樓衝到平台，手抱奄奄一息嘅老婆喺到喊。消防員接報到場調查，發現跳樓嘅梁女頭部受創流血，右腳開放性骨折，由救護車送院搶救，最終傷重死亡。佢老公亦因為情緒激動，要送院治理。司警話女死者三十七歲，做莊荷。佢老公就五十幾歲，做司機。現場消息話，梁女懷疑響賭場做嘢染上賭癮，搞到債台高築[2]。
2014年8月4號晏晝三點幾，建華大廈第三座有住戶發現走廊同樓梯有煙，重有陣陣燒燶嘢嘅味，所以報警求助。治安警同消防局接報派員到場處理，消防員去到現場嗰陣，已經見到大廈大堂充滿濃煙，所以立即搵火燭源頭。之後消防員證實響垃圾房起火，之後用架生剪開垃圾房把鎖，開門之後有大量濃煙湧出，派煙帽隊駁喉入去，將火燭嘅垃圾桶拉到大廈內園，射水將火救熄。由於大廈入面有啲樓層嘅防煙門冇閂埋，搞到濃煙擴散，消防員要到每一樓層拍門同巡查樓梯之後，確認冇住戶吸入濃煙唔舒服。最後消防員利用抽煙機抽走大堂濃煙，調查起火原因，初步相信有住戶將未熄嗮嘅金銀衣紙倒入垃圾槽搞成。火警之後，大廈其中一部𨋢因為水浸要暫停運行，治安警在場協助分流住戶用𨋢，以免又有意外[3]。
2017年3月16號晏晝一點幾，建華大廈第七座垃圾房入面嘅垃圾桶火燭，消防局接報之後派出多架消防車同消防員到場，發現響內街垃圾房門有煙冒出，有濃煙沿住垃圾槽湧到大廈唔同樓層。消防員利用架生剪開垃圾房把鎖，煙帽隊駁消防喉入垃圾房，發現入面有一個大型藍色垃圾桶着火燒緊，開喉將火救熄，同時進行排煙工作。消防員調查起火原因，懷疑有人將未完全熄嗮嘅金銀衣紙倒入垃圾槽搞成，火警入面冇人受傷同唔舒服，消防員唔使疏散住戶[4]。
2017年6月27號朝早七點，建華大廈有地鋪火燭，現場火燭嘅生果鋪面積二百五十呎左右，消防開咗一條喉，迅速將火救熄，火警入面冇人受傷。火警入面地鋪入面嘅全部燒嗮，外牆被熏黑。經電力公司人員檢查，懷疑係地鋪牆身其中一個電制入面電線短路引起火警[5]。
2017年12月22號，建華大廈第二座垃圾房入面嘅垃圾桶火燭，消防局接報到場發現垃圾房入面有煙有火，開咗將火救熄。消防員調查起火原因，懷疑有人將未完全熄嗮嘅金銀衣紙倒入垃圾槽搞成[6]。