2011年6月澳門黑沙環涌河新街大規模停電事件
2011年6月澳門黑沙環涌河新街大規模停電事件響2011年6月2號發生，停電時間最長去到三個鐘[1]。
背景
[編輯]2011年6月2號凌晨零時四十一分開始發生，先係多座建華大廈開始停電，有六百三十二個客戶受到影響，澳電話，係響黑沙環區涌河新街編號PT六九九變電站嘅中壓火牛跳掣，自動復電系統又冇正常啟動搞到停電，已經即時派人去搶修，響凌晨一點零二分搶修復電期間，又引發附近多座裕華大廈停電兩分鐘，連埋建華大廈，受影響嘅樓宇一共二十二幢，超過二千個用戶受影響。大部分受影響客戶響凌晨一時零四分恢復供電，其餘六百三十二戶分別響二點零九分同三點二十五分全部復電[1]。
時間
[編輯]| 時間 | 事情 |
|---|---|
| 6月2號 | 多座建華大廈開始停電，有六百三十二個客戶受到影響[1]。 |
| 00:41 | |
| 01:02 | 搶修復電期間，又搞到附近多座裕華大廈停電兩分鐘[1]。 |
| 01:04 | 大部分受影響客戶恢復供電，剩返六百三十二戶重係冇電[1]。 |
| 02:09 | 部分受影響客戶恢復供電[1]。 |
| 03:25 | 全部復電[1]。 |
影響
[編輯]停電期間，大批居民有屋企都唔返得，要企響條街到等，亦有居民困𨋢，要由消防員協助救出，重營業嘅舖頭就要被逼提早閂門，居民怨聲載道[1]。
後續
[編輯]澳電
[編輯]澳電高級經理阮毓明強成個供電網絡係好嘅，供電穩定性重係好高，今次事故只係個別事件（上次事故都係用個別事件做理由），對受影響客戶話唔好意思，又話暫時冇收到客戶投訴，不過會主動聯絡客戶，尤其係較大嘅客戶，了解同跟進佢哋嘅損失情況[1]。
能源業發展辦公室
[編輯]能源辦主任山禮度話，非常關注今次停電事故，已經馬上要求澳電響三日入面提交報告，致於澳電係唔係要向客戶賠償，山禮度表示要先睇報告，了解事故原因之後再做跟進措施，如果符合合約規定嘅需要賠償範圍，就會做跟進，能源辦分析報告之後會公布結果。佢又話，澳電嘅供電服務重係得嘅，但佢重要求澳電進一步做好供電工作，確保供電穩定性，希望唔會發生去到幾個鐘嘅停電事件。最後，都係冇向客戶賠償[1]。
睇埋
[編輯]參考資料
[編輯] 澳門停電 | |
|---|---|
| 2011年 | |
| 2015年 | |
| 2017年 | |
| 2018年 | |