澳門1號巴士

出自維基百科,自由嘅百科全書
Jump to navigation Jump to search

管理資訊
監管者 DSAT.png 交通事務局
經營者 20px澳巴
所屬車廠 旅遊塔車場
路線用車 宇通ZK6125HNG(6001-6025)

路線資訊
路線圖

服務資訊
服務時間 05:45-01:00
班次間隔 平時繁忙時間:五到七分鐘
平時普通時間:六到八分鐘
禮拜繁忙時間:六到七分鐘
禮拜普通時間:八分鐘
全程收費 六蚊葡幣
主要競爭交通 51018

澳門1號巴士係一條由澳門公共汽車有限公司做緊,由媽閣總站來回巴波沙大馬路嘅循環線。

背景[編輯]

1948年成立,1號係澳門第一條巴士線,1988年之前由新福利嘅前身福利嚟做,由青洲來回媽閣

1990年,因應筷子基區嘅發展需要,總站由青洲搬咗去筷子基。

2008年12月7號之前,1路線係由筷子基總站來回媽閣總站嘅巴士路線,大約半個鐘一班車。

2008年12月7號,澳門特別行政區政府交通事務局就開始搞第一階段巴士線調整計劃,1A34都取消咗唔行提督馬路到媽閣嘅一段路,而呢條線就將總站搬咗去關閘總站,而1A34唔行嘅地方,就由呢條線頂上,同埋為咗畀乘客有時間轉乘1A34,呢條線嘅班次都加密到八至十分鐘一班[1]

2011年8月1號,呢條線改由維澳蓮運公共運輸股份有限公司接手嚟做。

2011年8月2號,由於呢條線超多人搭維澳蓮運唔夠司機,搞到班次嚴重甩班,最後要新福利臨時派支援車嚟幫手。

2011年8月28號,因於維澳蓮運爆發挖角潮,新福利唔再派車幫維澳蓮運支援。[2]

2013年10月2號,維澳蓮運申請咗破產,所以呢條線暫時由交通事務局接手九個月。

2014年7月1號,呢條線改由澳門新時代公共汽車股份有限公司接手嚟做。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[3][4]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

2018年8月1號,呢條線改由澳門公共汽車有限公司接手嚟做。

用車[編輯]

2011年8月1日新巴士專營權模式之前,新福利做緊嘅1號線

喺福利時代,呢條線主要係用從英國買返嚟嘅二手Bristol L5G車。後嚟因為冇咩人搭,就變咗用三菱Rosa嚟出車,不過間唔中都會派中巴嚟行(好似係平治O814(B車)等等),後嚟因為1A同34縮短咗條線唔行提督馬路到媽閣,加埋將呢條線總站搬到關閘之後就多人搭返,就用咗大巴嚟出車(蘇州金龍10米/12米(K06-K125),間唔中都會派猛獅13.230(M車)嚟行。

新福利時期[編輯]

喺2011年7月31號之前,呢條線出車車種分別係:

  • 蘇州金龍10米大巴
  • 蘇州金龍12米大巴
  • 猛獅13.230

新時代時期[編輯]

喺2011年7月31號之後,呢條線出車車種分別係:

  • 宇通ZK6118HGE(原先係維澳蓮運宇通大巴,3001-3087)—做主力車
  • 間唔中會派宇通ZK6128HGE(新時代澳巴新買嘅宇通大巴,5001-5025)嚟做

澳巴時期[編輯]

  • 宇通ZK6125HNG

走線[編輯]

車費[編輯]

  • 全程車費:澳門幣六蚊。
  • 用澳門通全民卡,只係扣兩蚊,其餘由政府畀。
  • 用澳門通學生卡,只係扣一個半,其餘由政府畀。
  • 用澳門通長者卡,免費,由政府畀。
  • 澳門通IC卡月票適用。

服務[編輯]

服務時間 平日(星期一到五) 禮拜六、日(含公眾假期)
媽閣總站 05:45-01:00
班次 繁忙時間五到七分鐘,普通時間六到八分鐘 繁忙時間六到七分鐘,普通時間八分鐘

停站[編輯]

1號走線圖
1 關閘 ←→ 媽閣
序號 往程 返程
站號 站名 站號 站名
1 M1/7 關閘總站 M3/2 媽閣總站
2 M225 看台街/騎士馬路 M183/1 河邊新街/凱泉灣
3 M229/3 三角花園 M140/1 河邊新街/李道巷
4 M12 北區警司處 M137/2 火船頭街
5 M31 白朗古/跑狗場 M132/2 十六浦
6 M16/1 提督馬路/雅廉訪 M129 沙梨頭街市
7 M111 昌明花園 M114 沙梨頭海邊街
8 M112 沙梨頭/華寶工業大廈 M113 提督/紅街市
9 M127 海邊新街 M19 白朗古將軍馬路
10 M125 栢港停車場 M10/1 台山街市
11 M136/1 粵通碼頭 M8/2 巴波沙大馬路
12 M139/2 司打口 M1/7 關閘總站
13 M184 河邊新街/街市
14 M188 河邊新街/下環
15 M203/1 媽閣廟站
16 M3/2 媽閣總站

客量[編輯]

呢條線一開始至到2008年間,由於有1A、34嘅競爭(1A、34同1號行嘅路都係一樣),加上1A、34班次超多,搞到1號線冇咩獨市地位搭呢條線嘅人超少,而令到要派小巴三菱Rosa嚟行。後來1號線總站搬到關閘總站,加上1A、34取消唔行提督馬路媽閣一帶,令到1號線變咗獨市嚟做,就越來越多人搭,開始唔再派三菱Rosa小巴嚟行,變咗派大巴嚟行呢條線。

呢條線除了要搞掂下環區嘅人流之外,有時重要幫吓手搞掂埋喺十六浦提督馬路上不到3號嘅人,所以成日爆晒人頂晒閘,所以又被人叫做「另一條線王」。雖然關閘總站附近有好多巴士線(好似係5、10、18號等等)選擇去媽閣總站,但係喺落面情況入面1號就比較有啲優勢:

  • 5號日頭方便,晚豆黑就好晒時間(經常喺水坑尾塞車);
  • 9號班次疏啲,而且要兜去南灣,搞到行車時間好長;
  • 10號雖然班次夠密,但係要經新口岸、中區、黑沙環,比9號重要長;
  • 18號要兜去黑沙環、南灣、旅遊塔,喺咁多選擇入面最麻煩;

由於呢條線經過嘅站數少(比其他線方便),而且近年嚟有大量嘅遊客行完澳門要返大陸,搞到呢條線最大嘅對手-5號喺晚豆黑係水坑尾成日塞車,令到搭呢條線嘅人係咁增加。

相簿[編輯]

[編輯]

  1. (繁體中文)交通事務局,巴士7路線新增重整周日實施,2008年12月5日18:32:00
  2. (繁體中文)新福利人手緊獲准停止支援維澳,市民日報[失咗效嘅鏈]
  3. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  4. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]