鴨涌河

鴨涌河（葡文：Canal dos Patos），又叫鴨涌運河，係一條位喺澳門同中國大陸（珠海）嘅水道。發源喺自澳門半島關閘，最後進入澳門青洲西岸附近嘅內港。

澳門本來無天然嘅河流，而鴨涌河喺古時並唔存在，但於1970年代後期，珠海方面不斷填海，所以形成咗一條狹窄嘅人工河道，形成咗今日嘅鴨涌河。

2019年，鴨涌河嘅部分路段因青茂口岸工程而被填平。

地理

鴨涌河喺澳門半島北面，係澳門同珠海市嘅邊界，亦係關閘拱北口岸之間一帶，流經紀念孫中山市政公園（澳門）、粵海國際花園（珠海）、青洲坊（澳門）同澳珠喺茂盛圍嘅口岸：跨境工業區邊檢大樓，最後喺青洲西南岸流入內港。

為咗防止大陸居民偷渡進入澳門，喺澳門嗰邊除咗茂盛圍以南嘅青洲西岸路段之外，河邊都設有鐵絲網以及哨站，而珠海方面都喺沿河設置相關設施。