澳門10X號巴士

出自維基百科,自由嘅百科全書
跳去導覽 跳去搵嘢

管理資訊
監管者 DSAT.png 交通事務局
經營者 20px新時代
所屬車廠 旅遊塔車場
路線用車 宇通ZK6118HGE
宇通ZK6128HGE

路線資訊
路線圖

服務資訊
服務時間 朝早七點半到朝早九點(禮拜日同強制性假期停駛)
班次間隔 十分鐘
全程收費 六蚊葡幣
替代路線 3A3X1010B

澳門10X巴士,係一條由新時代做緊,由祐漢第一街開單頭去亞馬喇前地嘅巴士線,只係響朝早繁忙時間服務。

背景[編輯]

2009年4月27號,交通事務局實施第二階段巴士路線調整而開呢條線,畀咗澳巴嚟做,而澳巴就叫呢條線做10號短線,服務時間係禮拜一到六朝早七點半到朝早九點,廿分鐘一班,禮拜日同公眾假期停駛,由關閘總站開單頭到亞馬喇前地。

2011年2月26號,因為渠網改善工程實施臨時交通措施,呢條線臨時唔停「羅理基/水塘」同「羅理基/馬六甲街」巴士站,之後工程完成就索性變永遠唔停呢兩個站。

2011年8月1號,新巴士營運模式正式實行,呢條線判咗畀維澳蓮運嚟做,班次就調整做十分鐘一班,同日因為維澳蓮運請唔夠人,分唔出司機嚟呢條線,所以停駛到27號[1]

2013年10月1號晚黑十一點,維澳蓮運發出公開聲明,宣佈已經正式申請破產。

2013年10月2號,交通事務局局長汪雲宣佈,接管維澳蓮運維持營運,為期六個月。

2013年12月4號,維澳蓮運被法院宣佈破產,進入清盤程序。

2014年7月1號,呢條線由新時代接手嚟做。

2016年9月4號,由「關閘總站」巴士站開出之後,臨時唔停「看台街/騎士馬路」、「關閘馬路」同「關閘馬路/三角花園」巴士站,改行祐漢新村第一街,響吉祥樓加停「吉祥樓」臨時巴士站[2]

2016年9月30號,臨時變永久唔停「看台街/騎士馬路」、「關閘馬路」同「關閘馬路/三角花園」巴士站,改行祐漢新村第一街,響吉祥樓附近加停「祐漢第一街」巴士站[3]

2017年4月10號,呢條線將禮拜日同公眾假期停駛改為禮拜日同強制性假期先停駛[4]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[5][6]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

澳巴時期[編輯]

  • 日產柴油CB12

維澳蓮運時期[編輯]

新時代時期[編輯]

  • 宇通ZK6118HGE
  • 宇通ZK6128HGE(特見車)

走線[編輯]

車費[編輯]

  • 全程車費:六幣葡幣
  • 用澳門通全民卡,只係扣四蚊,其餘由政府畀。
  • 用澳門通學生卡,只係扣兩蚊,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 禮拜一到六 禮拜日同強制性假期
祐漢第一街 朝早七點半到朝早九點 停駛
班次 十分鐘

停站[編輯]

去亞馬喇前地方向
  1. 祐漢第一街
  2. 慕拉士馬路
  3. 慕拉士巷
  4. 慕拉士/飛通大廈
  5. 漁翁街/勞工事務局
  6. 外港碼頭
  7. 友誼馬路/行車天橋
  8. 旅遊活動中心
  9. 廈門街/理工
  10. 東方拱門
  11. 治安警察局
  12. 亞馬喇前地

[編輯]

  1. (繁體中文)10X路線暫停服務
  2. (繁體中文)"優化北區巴士路線緩解交通壓力 周日起增一臨時站調3巴士路線". 交通事務局. 2016-09-02.
  3. (繁體中文)"H2路線周五起啟運便利長者出行". 交通事務局. 2016-09-27.
  4. "30X路線調整行程提升疏導能力". 澳門特區政府交通事務局. 2017-04-06.
  5. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  6. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]