澳門9A巴士

出自維基百科,自由嘅百科全書
(由澳門9A號巴士跳轉過嚟)
Jump to navigation Jump to search

管理資訊
監管者 DSAT.png 交通事務局
經營者 20px新福利
所屬車廠 青洲車廠
路線用車 蘇州金龍(海格)KLQ6115GQ
蘇州金龍KLQ6108GQ30AT

路線資訊
路線圖
路線性質 循環

服務資訊
服務時間 05:45-01:10
班次間隔 八到十二分鐘
全程收費 六蚊葡幣

澳門9A巴士係一條由澳門新福利公共汽車有限公司做緊,由台山中街來回澳門旅遊塔嘅循環巴士線。

呢條線曾經開過短線車9AX,由關閘來回南灣,但係後來根據澳門政府發出嘅「道路集體客運公共服務批給合同」補充公佈,響2008年10月15號取消咗。呢條線亦係澳門所有日間巴士線入面,尾班車最遲開出嘅巴士線。

背景[編輯]

1990年到1994年期間,9號會開特別車(9A嘅前身),由關閘經主教座堂來回營地街市

2005年2月1號,延長路線到澳門旅遊塔站。

2007年10月20號,加停「南灣湖景大馬路」站,方便去南灣湖水上活動中心嘅市民[1][2]

2016年1月16號,調整服務時間,去旅遊塔方向:服務時間由凌晨五點四十五分到凌晨一點十分,八到十二分一班;去關閘方向:服務時間由凌晨六點到凌晨一點半,八到十二分一班。

2016年3月19號,因為調整白朗古將軍大馬路周圍路段嘅行車安排,唔停「提督馬路/白朗古」站,改行沙梨頭新街、飛喇士街到白朗古將軍大馬路之後再按原線嚟行[3]

2016年11月18號,因應路面實際情況同客流,安排部分班次,以跳站形式嚟行,如果關閘周邊馬路塞車嚴重嗰時,由關閘總站開出之後改行其他唔塞馬路,跳到「提督馬路/雅廉訪」站之後續返原線嚟行,維持返之後嘅班次穩定[4]

2016年11月21號,為咗配合南灣湖區一帶嘅發展,響「南灣湖景大馬路」站之後,加停「立法會前地」站之後,經湖畔西街去旅遊塔按原線嚟行。同時由來回線改做循環線[5]

2017年8月5號,響「澳門旅遊塔」站之後,加停新整嘅「初級法院刑事大樓」臨時站[6]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[7][8]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

走線[編輯]

車費[編輯]

  • 全程車費:澳門幣三個二。
  • 用澳門通全民卡,只係扣兩蚊,其餘由政府畀。
  • 用澳門通學生卡,只係扣一蚊,其餘由政府畀。
  • 用澳門通長者卡,只係扣三毫子,其餘由政府畀。
  • 用澳門通殘疾卡,只係扣三毫子,其餘由政府畀。
  • 澳門通IC卡月票適用。

服務[編輯]

服務時間 禮拜一到五 禮拜六、日同公眾假期
台山中街 05:45-01:10
班次 繁忙時間八到十分鐘,普通時間十到十二分鐘 十到十二分鐘

停站[編輯]

9A走線圖
去台山中街方向
  1. 台山中街
  2. 三角花園
  3. 提督馬路/雅廉訪
  4. 高士德/連勝
  5. 高士德/賈伯樂
  6. 得勝花園
  7. 塔石體育館
  8. 水坑尾/公共行政大樓
  9. 八角亭
  10. 亞馬喇前地
  11. 區華利前地
  12. 南灣湖景大馬路
  13. 立法會前地
  14. 澳門旅遊塔
  15. 初級法院刑事大樓
  16. 燒灰爐
  17. 巴掌圍
  18. 葡京路
  19. 教育暨青年局
  20. 水坑尾街
  21. 盧廉若公園
  22. 高士德/培正
  23. 高士德/亞利雅架街
  24. 白朗古將軍馬路
  25. 台山街市
  26. 巴波沙大馬路
  27. 紀念孫中山公園

意外[編輯]

2007年6月17號,一架9A三菱Rosa中巴行到水坑尾街巴士站嗰陣,懷疑連接油箱嘅油喉爆裂,搞到大量燃油流出,車長迅速疏散車入面嘅乘客同報警。由於路面留底成百米油漬,水坑尾街去荷蘭園方向嘅馬路要封成一個鐘,直至油蹟全部清嗮先重開[9]

[編輯]

  1. 澳門日報C10版-南灣湖增設巴士站2007-10-19
  2. 星報(澳門)P02版-南灣湖景大馬路 新福利增巴士站 2007-10-19
  3. "白朗古交通優化措施周六實施 調整車道及巴士路線改善交通". 交通事務局. 2016年3月16日. Check date values in: |date= (help)
  4. "11條巴士路線明(18日)起視情況以跳站形式運行". 交通事務局. 2016-11-17.
  5. "9A路線周一起增加停靠"立法會前地"站". 交通事務局. 2016-11-19.
  6. ""初級法院刑事大樓"臨時巴士站周六啟用". 交通事務局. 2017-08-03.
  7. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  8. (繁體中文)有意見指巴士加價漠視民意,澳廣視,響2018年4月21號搵到。
  9. "巴士漏油封路大塞車". 原著喺2008年5月31號歸檔. 喺2017年11月19號搵到.

睇埋[編輯]

[編輯]