香港仔隧道

出自維基百科,自由嘅百科全書
跳去: 定向搵嘢

座標: 22°15′39.1″N 114°10′51.89″E / 22.260861°N 114.1810806°E / 22.260861; 114.1810806

香港仔隧道跑馬地入口
香港仔隧道黃竹坑收費廣場

香港仔隧道粵讀hoeng1 gong2 zai2 seoi6 dou6英文Aberdeen Tunnel;又叫香隧)係香港島唯一行車隧道,穿過聶高信山,連接黃竹坑黃竹坑道跑馬地黃泥涌峽天橋,長1.99公里,隧道收費劃一係港幣5緡。

2012年,香港仔隧道平均每日行車量達64,969架次。[1]

歷史[編輯]

香港仔隧道喺1970年代倡議起,1979年動工。1982年3月12號,家下用來返跑馬地嘅北行管道首先通車,採用單管雙程行車。最初香港仔隧道服務時間唔長,每日開到夜晚22:30就閂。1983年3月14號,去香港仔嘅南行管道通車。1984年12月20號,香港仔隧道延長服務時間至全日通車。

塞車問題[編輯]

每逢繁忙時間,香港仔隧道去灣仔方向都會好塞。因此管理當局會將隧道間歇性咁閂,喺黃竹坑收費廣場禁止啲車行去疏導隧道入面嘅車輛(叫做「間封」)。另外,由南區通去香港仔隧道嘅主要道路,例如黃竹坑道南朗山道鴨脷洲大橋等,都有指示,喺塞車嗰陣提示司機用其他道路。而香港仔入口有燈號提示駕駛者左線或右線有擠塞。

香港仔隧道係香港仔、鴨脷洲同黃竹坑去銅鑼灣同兩條海底隧道主要道路,但香港仔隧道嘅擠塞並唔係由於隧道本身嘅容量唔夠造成,而係出口道路如海底隧道跑馬地區、天樂里告士打道嘅擠塞倒塞去隧道入面引致,因此塞車問題重係冇根本嘅解決方法。

附近港鐵站[編輯]

途經嘅公共交通服務[編輯]

參考資料[編輯]

睇埋[編輯]

出面網頁[編輯]