長青隧道

長青隧道

香港馬拉松穿過長青隧道

長青隧道係香港青衣島一條行車隧道，係香港三號幹綫長青公路一部份。隧道雙程各有三綫。佢東面向住藍巴勒海峽，接住藍巴勒海峽大橋，打橫穿過青衣島去到西面，西草灣附近，接住長青公路。條隧道1997年5月22號通車，係第二條免費隧道。全長1600米。

工程

條隧道之所以叫長青，皆因佢響正長青邨底下。因為青衣山係花崗岩來，所以開窿嗰陣用咗唔少炸藥。因為上面長青邨係住人，所以亦都有響山邊灌石屎同打鋼筋，穩住座山，以免大石碌落來。雖然係用過炸藥，條隧道多數係鑽出來。

管理

長青隧道係歸青馬管理有限公司管，皆因佢響青馬管制區下。青馬管制區包埋青馬大橋、汲水門大橋、汀九橋、北大嶼山公路同長青公路。長青隧道兩頭有監察站，睇住交通。

出面網頁

• "A brief introduction by Tsing Ma Management Limited".