獅子山隧道公路

獅子山隧道公路沙田段

獅子山隧道公路（英文：Lion Rock Tunnel Road）係香港公路，貫通九龍到沙田。按地理可分三段，卽九龍段、隧道段同沙田段。九龍段由獅子山南腰，九龍仔打上窩打老道，到獅子山隧道九龍出入口。隧道段卽獅子山隧道。新界段由獅子山隧道收費廣場，到大埔公路大圍段。除咗新界沙田路到大埔公路大圍段一截仔外，其餘都係1號幹線一部份。一般人講嘅獅子山隧道公路，淨指沙田段。

公路

官方並無分段之稱，按地理分九龍、隧道及沙田。

九龍段

九龍段只係一小段，就係龍翔道以北，去到隧道口。有路南通窩打老道，有支路橫駁龍翔道。佢山腰打落好近廣播道住宅區，不過無路直往。西面有獅子山公園。

隧道段

内文：獅子山隧道

隧道段卽獅子山隧道，實情係兩條隧道，後起一條叫第二獅子山隧道。兩條隧道，筆直平排，呈南北向，稍偏向西北或東南。

沙田段

沙田段，起自沙田文化博物館個路口，卽大埔公路大圍段、大埔公路沙田段、同沙田正街成十字路口，經獅子橋南過城門河，穿過大涌橋路同車公廟路嘅十字路口，上山同沙田路匯合。再西南向過隔田村經紅梅谷，與紅梅谷路匯合。近仁安醫院有獅子山隧道收費廣場，往西南過獅子山隧道辦事處，就到隧道沙田山入口。