醉酒灣

醉酒灣填地

醉酒灣（Gin Drinkers Bay，舊時叫垃圾灣，Lap Sap Wan）係舊時香港葵涌一個大海灣，駁住藍巴勒海峽，家下已經填晒。今日醉酒灣係指藍巴勒海峽東岸，葵涌外邊一個避風塘。

地理

醉酒灣個範圍好大，幾乎家下葵涌所有平地，都係個灣填出來，包括今日嘅葵興，葵芳，葵涌貨櫃碼頭。

原灣係三角型，最入係葵涌呢條涌嘅出海口，而個灣出口有青洲守住。個灣岸邊多數係崖，所以灣邊好少村落。而最入葵涌涌口有葵涌村，岸邊地勢平好多。佢東岸近葵涌有大連排一行石。醉酒灣海面因為有羣山圍住，擋擋風，所以係水上人停船嘅地方。

第二次世界大戰嗰時，香港九龍嘅防綫，即係醉酒灣防綫，就係呢個灣做起點。

1960年代，呢個灣開始填海，啲水上人迫住要搬過去對面青衣島，將艇停響青衣塘同門仔塘。

填海後，填地用咗做垃圾堆填區，1979年停用改建葵涌公園，1992年公園準備開放嗰陣發現沼氣超標，要無限期停用，公園其中一忽喺2009年起咗香港賽馬會國際小輪車場，配合2009年東亞運動會嘅比賽。