水坑口

出自維基百科,自由嘅百科全書
Jump to navigation Jump to search
一八四五年,水坑口地圖
一九三零年嘅港島水坑口及歷史圖片
水坑口街,以前嘅水坑口

水坑口,香港一,亦係坑口,喺香港島北岸,上環西環之間。英人叫地做屬領角,英字Possession Point,音譯波些臣角,係舊時海角。按地名定義,水坑口同屬領角,係有分別。屬領角原係海邊一角,而角上係山仔。而佢東側,有條坑,集谷地山水,流入海。入海之處,叫水坑口。該地舊時唐人聚成市,叫大笪地

今屬領角係叫荷李活道公園,原水坑同口,亦埋在地底。開咗條街,叫水坑口街

[編輯]

水坑口喺英國統治之前,係一無所知。要計都只同裙帶路有啦𠹌。英國船,早喺香港島同九龍半島之間水域,作爲避風之港。

英國大清鴉片戰爭時,一八四零年到一八四一年,英軍測量船名修路化途經香港,測量附近水域同地方。認爲香港島北岸西面,有塊突出高地,平坦近海,軍旅紮得營,此處就係日後屬領角。

一八四一年一月廿號,英國義律,同大清琦善,簽訂《穿鼻草約》。英軍準備登陸香港島,揀咗海角做登陸同宣佈地點。按當時泰西各國通例,要有儀式,方爲正式擁有主權,而升旗亦係英國慣用儀式。登陸同升旗詳情,記載有兩版本,一說廿五號,卑路乍坐修路化登陸。一說廿六號,伯麥八點十五分升旗。於是乎,有說二合爲一,廿五號係登陸,廿六號升旗。另有說,廿六號同卑路乍誤寫,應該係廿五號伯麥升旗。無論點,英人在此駐紥升旗,宣佈香港爲英國領地。咁所以叫呢度做屬領角。卅號發喻畀香港島上村民,宣佈英治原則。

英人得香港島後,開埠時開皇后大道,兜過屬領角。直到一八四五年,水坑口一帶,係域多厘城市區西邊鄙,當時水坑仍在,而荷李活道尾,就係家下水坑口街。開埠早期無水塘,只靠山水同井水。由於水坑口地近太平山,唐人聚居處,居民都會喺處攞水。

英軍喺屬領角,開有兵房。但後尾兵房拆咗。一直開畀公眾,或大笪地,或係公園咁。

一八五二年,香港總督文咸填海,是爲文咸填海計劃。水坑口又好,屬領角又好,都唔再近岸。