瀑布灣

瀑布灣

瀑布灣（英文：Waterfall Bay），係香港海灣，響香港島南區西南，華富邨隔籬，曾經有個大瀑布，起咗薄扶林水塘後就變細咗好多。

史

大清嘉慶初年《新安縣志》有「新安八景」，其中「鼇洋飛瀑」就好有可能係指瀑布灣嘅瀑布，嗰陣到廣州經商嘅歐洲船好多都會去呢度攞水飲。英國佔領香港島後，截咗瀑布源頭起薄扶林水塘，個瀑布就咁收皮。

香港保衛戰前，英軍響瀑布灣起碉堡，但最後用唔著。1970年代隔籬華富邨入伙後，好多細路鍾意去呢度玩，但有細路浸死咗，所以當局封咗條路唔畀人入。瀑布灣北面舊時有哥爾夫球場，但開條路去數碼港時剷咗。