馬六甲海峽

出自維基百科,自由嘅百科全書
Jump to navigation Jump to search
馬六甲海峽示意圖

馬六甲海峽粵拼maa5 luk6 gaap3 hoi2 haap6馬來話Selat Melaka印尼文Selat Malaka爪夷文سلت ملاک)係東南亞一條海峽,喺馬來半島南邊、蘇門答臘島嘅北邊,西面連住印度洋安達曼海,東面連住南中國海。呢條海峽狹長,航運繁忙,係世界重要水道。歐洲人叫佢做「遠東嘅十字路口」。

[編輯]

由於呢條海峽距離馬來半島嘅古代名城馬六甲比較近,所以「馬六甲海峽」嘅名就係噉嚟。

所謂「遠東嘅十字路口」[編輯]

由於馬六甲海峽係歐洲亞洲非洲大洋洲航道嘅十字路口,係太平洋印度洋嘅緊要通道。尤其係太平洋西邊嘅海邊國家,話去非洲南亞西亞嗰邊就絕對經過呢度,所以「遠東嘅十字路口」就係噉嚟。

敘述[編輯]

馬六甲海峽

海峽全長1100km(計埋星加坡海峽);而闊度方面,西北邊闊,東南邊窄。西北邊最闊嗰度可以去到300幾km,而東南邊最窄嗰度凈係得37公里到,睇落去好似個大喇叭噉。而水深就有25——27米。由於海峽喺赤道地區附近,所以風平浪靜兼有好慢嘅海流。而海底嗰度比較平,基本上冇乜淺灘同暗礁響度,最啱嗮畀20kt級嘅輪船過嚟呢度。而海峽兩邊嘅地勢比較平,而且森林比較多,好似成笪熱帶嘅風光噉。

經濟[編輯]

馬六甲海峽嘅東邊有星加坡嘅世界大港,海運都好繁忙。每年有10幾萬艘船(大多數係油輪)經呢度。而日本中東嗰邊買石油嘅話,大多數都係從呢度運返去日本國內嘅。假設如估走咗一班船嘅話,過1——2分鐘又有另一部船嚟噉。

有關嘅書[編輯]

  • 小学館(編), 編 (2004). 日本大百科全書. スーパーニッポニカProfessional Win版. 小学館. ISBN 4099067459. 
  • 大矢雅彦中村洸 (2004). "マラッカ海峡". 編 小学館(編). 日本大百科全書. スーパーニッポニカProfessional Win版. 小学館. 

座標: 4°N 100°E / 4°N 100°E / 4; 100