中東

中東地圖

中東（粵拼：zung¹ dung¹）係一個喺非洲同埋亞洲之間地理同埋政治上嘅地區，大概1900年開始喺英國流行，冇明確定義，亦都因為咁俾人批評過。中東傳統上包括西南亞同埋北非一啲國。

地理概述

「中東」係歐美人用嘅一個地理術語。一般嚟講，有巴林、埃及、伊朗、伊拉克、以色列、約旦、科威特、黎巴嫩、阿曼、卡達、沙特、敘利亞、阿聯酋同也門，巴勒斯坦、馬格里布國家（阿爾及利亞、利比亞、摩洛哥、突尼西亞），同埋蘇丹、毛里塔尼亞同索馬里，由於阿拉伯世界嘅歷史文化原因，一般都覺得係中東國家，土耳其同賽浦路斯雖然响地理上係屬於中東地區嘅一部分，但係佢哋自己覺得係屬於歐洲；北邊嘅阿富汗有時同中東嘅聯繫都幾密切。

出面網頁

• "Africa and the Middle East - Department of Foreign Affairs and Trade" (英文). 澳洲外交貿易部.