近東

  現代考古學同歷史學背景嘅近東

  近東

近東（粵拼：kan5/gan6 dung1）係一個大約位於地中海東部嘅地區，通常包括新月沃土同安那托利亞地區，而有時亦會包括阿拉伯半島南部、北非部分地區、波斯地區、甚至阿富汗。

名

呢個名係嚟自歐洲人嘅角度，因爲相對於歐洲係喺東面，但係又冇遠東咁遠，所以就係“近東”。原本呢個名喺歷史上，主要係歐洲人描述鄂圖曼帝國範圍嘅方法，但係自從滅國之後，就冇咗好指定嘅邊界，所以依家嘅範圍都因人而異。今時今日，“近東”同“中東”通常都互相通用 。

地理定義

根據國家地理學會嘅定義，中東同近東係等同，而“一般都被認爲包括阿拉伯半島國家、塞浦路斯、埃及、伊拉克（包括佢嘅庫爾德斯坦地區）、伊朗、以色列、約旦、黎巴嫩、巴勒斯坦、敘利亞、同土耳其”。聯合國食物同農業組織（FAO）嘅定義好相似，唯一分別就係計埋阿富汗。

根據《大英百科全書》，「近東」喺一般嚟講，包括亞美尼亞、巴林、塞浦路斯、埃及、以色列、約旦、科威特、黎巴嫩、阿曼、卡達、敘利亞、阿聯酋同也門，巴勒斯坦、伊朗、伊拉克、沙地阿剌伯、利比亞、同埋蘇丹、敘利亞、土耳其等等嘅國家。

巴爾幹半島

打咗巴爾幹戰爭同第一次世界大戰之後，啲人唔將巴爾幹講成近東，而係講成「東南歐」或「南歐」。雖然第二次世界大戰之後逐漸俾「中東」頂住檔，但兩個名一直喺度用緊。