列寧（Ленин；1870年4月22號—1924年1月21號），原名弗拉基米爾·伊里奇·烏里揚諾夫（Влади́мир Ильи́ч Улья́нов），係個俄羅斯嘅革命家，共產主義嘅政客，十月革命嘅領袖，成為俄國內戰後蘇聯第一個領袖。佢創立嘅列寧主義，可同馬克思主義併稱為馬克思列寧主義（馬列主義）。列寧主張革命暴力可有效而快速建立共產主義國家，導致世界日後出現更多本質相同嘅共產主權國家，制造出更多共產黨政客人物：蘇共 史太林、中共 毛澤東、「太陽」金日成、米洛塞維奇、赤柬 波布等。喺身體越來越差嘅情況之下，列寧對佢嘅繼任者史太林表示反對，最終喺高爾基嘅別墅病逝。
