以巴衝突

以色列、西岸地區同加沙地帶

以巴衝突係以色列猶太人同巴勒斯坦阿剌伯人之間嘅衝突，屬於中東戰爭一部份。

歷史

歷史上，一直以嚟大批留亡海外嘅猶太人想返番以色列。喺19世紀末至20世紀初，呢個浪潮去到高峰，越嚟越多猶太人返番故鄉，而佢哋同幾世紀以嚟都住喺當地嘅巴勒斯坦阿剌伯人開始發生衝突。一戰之後，原本屬於鄂圖曼帝國嘅巴勒斯坦變做英國託管地，更加多猶太人返番嗰度，佢哋同阿剌伯人嘅衝突開始升溫。二戰後英國將以巴問題交畀聯合國搞，受到納粹屠殺猶太人影響，以色列建國得到國際支持，最終成功復國。但巴勒斯坦阿剌伯人同佢哋嘅中東盟友反對，向以色列宣戰，爆發咗第一次中東戰爭。去到二十世紀後期，爆發咗幾次較大規模中東戰爭同無數次小衝突之後，以巴衝突喺美國做中間人之下開始緩和。但去到21世紀以巴問題又開始唔穩定，繼續有大大小小嘅衝突爆發。直到而家，以巴問題仍然未解決。