西岸地區

西岸地區
西岸地區; 阿拉伯文：الضفة الغربية‎; 希伯來文：הגדה המערבית‎
	西岸地區喺巴勒斯坦國嘅宣稱國土之内嘅位置
常用語言	阿拉伯文、希伯來文
宗教	回教、猶太教、基督教
面積
• 總計	5,655 km2（2,183 sq mi）
人口
• 2021估計	2,949,246
• 密度	522/km2（1,352.0/sq mi）
貨幣	新謝克爾、約旦第納爾
時區	UTC+2 （巴勒斯坦時區）
• 夏令時（DST）	UTC+3 （巴勒斯坦夏令時區）
電話區號	+970
ISO 3166代碼	PS
	∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。; ∗IMF網站嘅人均GDP數字，同用GDP除以上面人口數得出嚟嘅數有可能唔一樣。

西岸地區 (阿拉伯文：الضفة الغربية‎，羅馬拼音：aḍ-Ḍiffah al-Ġarbiyyah、希伯來文：הַגָּדָה הַמַּעֲרָבִית‎，羅馬拼音：HaGadáh HaMaʽarávit)，又叫約旦河西岸，係西亞黎凡特嘅一個地區。西岸地區嘅東面係約旦河，東南係死海，而北、西、同南面就都係以色列國土^[2]。

歷史

喺第一次中東戰爭之後，綠線（英文：Green Line (Israel)）係停火邊界。以色列同周邊國家瓜分咗巴勒斯坦地區嘅土地，而西岸地區就係約旦控制嘅部分。到六日戰爭之後，西岸地區完全由以色列控制。

到1993年，以色列同巴勒斯坦解放組織簽咗《奧斯陸協議》。根據協議，雙方同意將約旦河西岸分做A區、B區、同C區。A區完全由巴勒斯坦自治政府管理，B區由以巴一齊管治，而C區就完全由以色列控制。巴勒斯坦人嘅主要聚居地都係屬於A區同B區，而以色列起咗嘅聚居地就喺C區。但係因爲C區嘅地方多數都包圍咗A同B區嘅範圍，所以呢個情況造成好多飛地。去唔同嘅巴勒斯坦城市嘅人，基本上都要經過重重嘅以色列關卡。

爭議

呢笪地區係以巴衝突嘅領土糾紛嘅主要爭議之一，因爲兩邊都對呢個地區有強烈嘅歸屬感。巴勒斯坦人視西岸地區做巴勒斯坦國嘅中心，而部分以色列人，特別係右派嘅猶太人，認爲呢個地區係“以色列地（英文：Land of Israel）”不可分割嘅一部分。除此之外，以色列亦喺C區起咗聚居地，違反咗國際法^[3]^[4]^[5]^[6]。以色列對西岸地區嘅控制，已經俾國際法庭判定係非法軍事佔領^[7]。

統計

西岸地區總面積有5,879平方公里，其中死海水域面積220平方公里，陸地面積5,659平方公里。喺2016年7月，西岸地區估計有2,697,687人^[8]，另外有大約67萬位以色列籍居民。

畫廊

西岸地區主要城市
《奧斯陸協議》 A、B、C 區分佈

睇埋

註

↑ 截至2022年，西岸地區有超過67萬位以色列居民住喺C區嘅聚居地，其中有22萬係喺東耶路撒冷^[1]

參考

↑ "West Bank: People and Society". Central Intelligence Agency. 17 October 2023. 原先內容歸檔喺22 July 2021. 喺25 December 2021搵到 –透過CIA.gov.
↑ "West Bank". The World Factbook. 中央情報局. 2018年9月26號. 原先內容歸檔喺2021-07-22.
↑ Roberts, Adam (1990). "Prolonged Military Occupation: The Israeli-Occupied Territories Since 1967" (PDF). The American Journal of International Law. 84 (1): 85–86. doi:10.2307/2203016. JSTOR 2203016. S2CID 145514740. 原著 (PDF)喺2020-02-15歸檔.
↑ Pertile, Marco (2005). "'Legal Consequences of the Construction of a Wall in the Occupied Palestinian Territory': A Missed Opportunity for International Humanitarian Law?". 出自 Conforti, Benedetto; Bravo, Luigi (編). The Italian Yearbook of International Law.第14卷. Martinus Nijhoff Publishers. p. 141. ISBN 978-90-04-15027-0.
↑ Barak-Erez, Daphne (2006). "Israel: The security barrier—between international law, constitutional law, and domestic judicial review". International Journal of Constitutional Law. 4 (3): 548. doi:10.1093/icon/mol021.
↑ Drew, Catriona (1997). "Self-determination and population transfer". 出自 Bowen, Stephen (編). Human rights, self-determination and political change in the occupied Palestinian territories. International studies in human rights.第52卷. Martinus Nijhoff Publishers. pp. 151–152. ISBN 978-90-411-0502-8.
↑ Domb, Fania (2007). International Law and Armed Conflict: Exploring the Faultlines. Martinus Nijhoff Publishers. p. 511. ISBN 978-90-04-15428-5. 原先內容歸檔喺3 March 2023. 喺29 October 2020搵到.
↑ "The World Factbook – Middle East: West Bank - Geography". Central Intelligence Agency. 原先內容歸檔喺2014-05-06. 喺2017-02-11搵到.

出面網頁

西岸地區喺中央情報局《世界概況》嘅資料（英文）

呢篇西岸地區係關於地理嘅楔位文章，重未完成嘅。麻煩你幫手補充佢嘅內容。

[2] 截至2022年，西岸地區有超過67萬位以色列居民住喺C區嘅聚居地，其中有22萬係喺東耶路撒冷^[1]

[1] "West Bank: People and Society". Central Intelligence Agency. 17 October 2023. 原先內容歸檔喺22 July 2021. 喺25 December 2021搵到 –透過CIA.gov.

[3] "West Bank". The World Factbook. 中央情報局. 2018年9月26號. 原先內容歸檔喺2021-07-22.

[4] Roberts, Adam (1990). "Prolonged Military Occupation: The Israeli-Occupied Territories Since 1967" (PDF). The American Journal of International Law. 84 (1): 85–86. doi:10.2307/2203016. JSTOR 2203016. S2CID 145514740. 原著 (PDF)喺2020-02-15歸檔.

[maj2-5] Pertile, Marco (2005). "'Legal Consequences of the Construction of a Wall in the Occupied Palestinian Territory': A Missed Opportunity for International Humanitarian Law?". 出自 Conforti, Benedetto; Bravo, Luigi (編). The Italian Yearbook of International Law.第14卷. Martinus Nijhoff Publishers. p. 141. ISBN 978-90-04-15027-0.

[6] Barak-Erez, Daphne (2006). "Israel: The security barrier—between international law, constitutional law, and domestic judicial review". International Journal of Constitutional Law. 4 (3): 548. doi:10.1093/icon/mol021.

[7] Drew, Catriona (1997). "Self-determination and population transfer". 出自 Bowen, Stephen (編). Human rights, self-determination and political change in the occupied Palestinian territories. International studies in human rights.第52卷. Martinus Nijhoff Publishers. pp. 151–152. ISBN 978-90-411-0502-8.

[FD2-8] Domb, Fania (2007). International Law and Armed Conflict: Exploring the Faultlines. Martinus Nijhoff Publishers. p. 511. ISBN 978-90-04-15428-5. 原先內容歸檔喺3 March 2023. 喺29 October 2020搵到.

[CIA2017-9] "The World Factbook – Middle East: West Bank - Geography". Central Intelligence Agency. 原先內容歸檔喺2014-05-06. 喺2017-02-11搵到.

[a]

[2]

[3]

[4]

[5]

[6]

[7]

[8]

[1]