跳去內容

巴勒斯坦解放組織

出自維基百科，自由嘅百科全書
巴勒斯坦解放組織
主席阿巴斯
成立1964年5月28號[1]
解散仲未
總部西岸地區比拉（英文：Al-Bireh）[2][3]
意識形態民族主義[4]
泛阿拉伯主義[5]
社會主義[6]
世俗主義[7]
反帝國主義[8]
兩國方案 (部分)
分支：
反錫安主義[a][9]
馬克思主義[10]
網站
http://www.plo.ps/en

巴勒斯坦解放組織 (阿拉伯文：منظمة التحرير الفلسطينية Munaẓẓamat at-Taḥrīr al-Filasṭīniyyah，英文：Palestinian Liberation Organization，簡稱 PLO)，中文簡稱做巴解，係一個巴勒斯坦人嘅民族主義組織，依家已經畀聯合國承認咗係巴勒斯坦人唯一嘅官方代表組織[11][12]。

歷史

[編輯]

呢個組織喺1964年創辦，目標係喺英屬巴勒斯坦嘅全部地方，成立一個阿拉伯人嘅國家，即係支持剷走以色列國。不過，到1993年，PLO 同以色列簽咗《奧斯陸協議》，正式改咗佢哋嘅立場到去支持兩國方案。到依家，呢個組織嘅大部分成員都係支持喺西岸地區同加沙走廊成立巴勒斯坦國，不過入面仍然有少數嘅成員，係完全反對以色列存在。

自從1974年以嚟，聯合國大會承認咗PLO做觀察成員[b][13]。喺簽《奧斯陸協議》之前，個組織曾經唔耐就針對以色列搞刺殺或者暴動[14][15][16]，所以喺1987年畀美國定咗做恐怖組織。不過，美國仍然有唔同途徑去同佢溝通[17][18]，其中包括搞喺1993年傾好嘅《奧斯陸協議》。呢份協議係任何巴勒斯坦嘅組織，第一次講明承認之前一路都話要剷走嘅以色列，係兩國方案重大嘅里程碑[19]。同時，以色列亦都承認咗PLO做巴勒斯坦人嘅代表。

不過，個組織入面仍然有成員係反對呢個決定，所以亦有參與之後針對以色列嘅暴力，例如第二次起義（英文：Second Intifada）。喺2018年10月29號，個組織嘅委員會撤回咗佢對以色列嘅外交承認，直至以色列同意會承認返巴勒斯坦國[c]。[20][21]。

註

[編輯]
  1. ↑ 即係支持剷走以色列
  2. ↑ 留意，唔係巴勒斯坦國，而係個組織
  3. ↑ 而唔係PLO組織

攷

[編輯]
  1. ↑ "Arabs Create Organization For Recovery of Palestine". 《紐約時報》. Reuters. 1964-05-29.
  2. ↑ Sawafta, Ali (30 November 2010). "In West Bank, Ramallah looks ever more like capital". Reuters.
  3. ↑ Toameh, Khaled Abu (24 November 2010). "Abbas: Referendum law is 'obstacle to peace'". Jerusalem Post. 喺27 October 2023搵到.
  4. ↑ Szekely, Ora (2016-11-26). The Politics of Militant Group Survival in the Middle East: Resources, Relationships, and Resistance (英文). Springer. p. 51. ISBN 978-3-319-40141-6.
  5. ↑ Spyer, Jonathan (2011-01-01). The Transforming Fire: The Rise of the Israel-Islamist Conflict (英文). A&C Black. p. 23. ISBN 978-1-4411-6663-0.
  6. ↑ "Quién fue Yasser Arafat?". 17 March 2019.
  7. ↑ Grafton, David D. (2009-03-16). Piety, Politics, and Power: Lutherans Encountering Islam in the Middle East (英文). Wipf and Stock Publishers. p. 222. ISBN 978-1-63087-718-7.
  8. ↑ "Rewriting history, Abbas calls Israel a 'colonial project' unrelated to Judaism". The Times of Israel.
  9. ↑ "Jailed PFLP Leader: Only a One-state Solution Is Possible". Haaretz (英文). 喺2023-11-08搵到.
  10. ↑ Rubenberg, Cheryl (2003). The Palestinians: In Search of a Just Peace (英文). Lynne Rienner Publishers. p. 41. ISBN 978-1-58826-225-7.
  11. ↑ Al-Madfai, Madiha Rashid (1993). Jordan, the United States and the Middle East Peace Process, 1974–1991. Cambridge Middle East Library, Cambridge University Press. p. 21. ISBN 978-0-521-41523-1.
  12. ↑ Geldenhuys, Deon (1990). Isolated states: a comparative analysis. Cambridge University Press. p. 155. ISBN 978-0-521-40268-2. The organisation has also been recognized as the sole legitimate representative of the Palestinian people by well over 100 states ...
  13. ↑ 〈聯合國大會第3237號決議〉 (英文)。聯合國大會。
  14. ↑ Beyer, Lisa (12 November 2004). "Arafat: A Life in Retrospect". Time. 原著喺2022年10月8號歸檔. 喺8 March 2017搵到.
  15. ↑ "PLO to Limit Attacks, Arafat Says". The Los Angeles Times. 17 October 2000. 喺8 March 2017搵到.
  16. ↑ "Palestine Liberation Organization (PLO) | Palestinian political organization". Encyclopædia Britannica. 喺8 March 2017搵到.
  17. ↑ "US Code 2 22 5201 - Findings, Definitions". 康奈爾大學法律學院.
  18. ↑ Ehrenfeld, Rachel (2003). "The Palestinians". Funding Evil, How Terrorism Is Financed – and How to Stop It (PDF) (preview chapter). Bonus Books. 原著 (PDF)喺26 April 2011歸檔. 喺2023-10-27搵到 –透過Funding for Peace Coalition.
  19. ↑ Murphy, Kim (10 September 1993). "Israel and PLO, in Historic Bid for Peace, Agree to Mutual Recognition". The Los Angeles Times.
  20. ↑ Mustafa, Rami (29 October 2018). المجلس المركزي الفلسطيني يعلن تعليق الاعتراف بدولة إسرائيل [The Palestinian Central Council announces the suspension of recognition of the State of Israel]. El Watan.
  21. ↑ "Palestinian Central Council suspends recognition of Israel". www.aa.com.tr. 喺2023-11-02搵到.
由「https://zh-yue.wikipedia.org/w/index.php?title=巴勒斯坦解放組織&oldid=2154874」收