民族主義

出自維基百科,自由嘅百科全書
跳去: 定向搵嘢

民族主義(粵語:Man4 zuk6 zyu2 ji6;英文: Nationalism),又叫做國族主義國家主義,係包含民族種族國家三種認同在內嘅意識形態,主張以民族做人類群體生活嘅「基本單位」,去形塑特定文化政治主張嘅理念基礎。

民族主義嘅核心思想係主張一個民族-一個有住共同語言文化同血統嘅群體-應該要喺一塊屬於佢哋嘅土地上面建立一個有自主能力嘅主權國家,唔受其他政權嘅控制。所以民族主義同民主自決有好大關係。而且因為民族主義係用共通語言文化嚟維繫嘅,所以現代嘅民族國家-東方嘅日本南韓;西方嘅歐洲列國-都會努力保護自己民族嘅語言文化傳統,嚟去建立自己民族嘅身份認同;相反,非民族國家就成日都會靠住破壞領土入面嘅「異族」語言文化遺產,嚟去撳低自己境入面可能出現嘅民族主義:例如蘇聯就曾經迫國內嘅非俄羅斯人唔准講俄羅斯話以外嘅語言;大日本帝國亦都試過迫佢哋征服嘅土地嘅人改行講日本話。除咗呢樣,民族國家亦都會宣揚自己民族嘅成就嚟去建立民族自豪感。但係另一方面,民族主義有時會令人有排外情緒,所以呢樣嘢係有好有唔好嘅。

睇埋[編輯]

文獻[編輯]