記憶儲藏

記憶儲藏（粵拼：gei3 jik1 cyu5 cong4；英文：memory storage）係記憶嘅一個功能，指一個心靈（mind）將做咗入碼嘅訊息（information）儲起，等將來有得用。入碼嘅過程會將外界物理訊號轉化成心靈能夠處理嘅訊號，跟手儲藏嘅機制就要將記憶以某啲形式儲起^[1]。

一個心靈可以係運用馮紐曼架構（Von Neumann architecture），意思即係如果一個喺工作記憶（working memory；手上暫時儲起咗、正係處理緊嘅訊息）入面嘅訊息俾個心靈判定為「要儲起」嘅話，個心靈會將件訊息傳去一個儲藏系統，以某啲物理型式儲起，例：喺一個系統入面，每件記憶係而幾萬個位嘅一串 0 同 1 儲起嘅，當中頭 100 個位係一個二進制數字，代表件記憶嘅日期，跟住嗰 100 個位係一個二進制數字，代表時間，然後跟住嗰柞數字入面每 24 個位代表個畫面嘅一點，呢 24 個位當中每 8 個位係一個數字，頭 8 個位代表嗰點有幾多紅、跟住嗰 8 個位代表嗰點有幾多綠、最後嗰 8 個位代表嗰點有幾多藍，所以 24 個位代表咗嗰點係乜色，然後成串數字有好多個噉嘅 24 個位數字，最後形成一串好長嘅數字，表達咗「邊年邊月邊日，幾多點幾多分，有幅圖像，幅圖最左上角第一點係乜乜色、第二點係乜乜色...」噉嘅記憶^[2]。不過要留意嘅係，呢個衹係一個簡例，而神經科學嘅研究經已表明咗，人腦並唔係用馮紐曼架構嘅^[3]。

睇埋

攷

↑ Kumaran, D. (Apr 2008). "Short-Term Memory and the Human Hippocampus". Journal of Neuroscience. 28 (15): 3837–3838.
↑ Noll, A. Michael (March 1971). "Scanned-Display Computer Graphics". Communications of the ACM. 14 (3): 143–150.
↑ Coward, L. A. (1997, June). The pattern extraction architecture: A connectionist alternative to the von Neumann architecture. In International Work-Conference on Artificial Neural Networks (pp. 634-643). Springer, Berlin, Heidelberg.

[1] Kumaran, D. (Apr 2008). "Short-Term Memory and the Human Hippocampus". Journal of Neuroscience. 28 (15): 3837–3838.

[2] Noll, A. Michael (March 1971). "Scanned-Display Computer Graphics". Communications of the ACM. 14 (3): 143–150.

[3] Coward, L. A. (1997, June). The pattern extraction architecture: A connectionist alternative to the von Neumann architecture. In International Work-Conference on Artificial Neural Networks (pp. 634-643). Springer, Berlin, Heidelberg.

[1]

[2]

[3]