回想

回想（粵拼：wui4 soeng2）係記憶功能一種，指個腦憑空（即係話要諗起嗰樣訊息唔存在喺周圍環境當中）諗返起一件記憶。例如人諗返起上個生日發生過嘅事，就係一種回想。回想可以分做唔同形式，例如自由回想，係喺冇任何提示之下盡量講出記得嘅資料；提示式回想就係畀個關鍵字或者線索，幫人諗起相關記憶。

回想同辨識唔同，後者係見到某樣嘢之後，覺得「我見過佢」。而回想就要求人由零開始搵返件事。由於冇提示，回想一般比重認難。喺教育、認知心理學同埋法醫心理學等範疇，研究回想有助了解人點樣儲存、保持同提取記憶，亦有助改進教學法同提升證人回憶嘅準確性。