音樂上，卅二分音符（美式英文：Thirty-second note，英式英文：Demisemiquaver）嘅音符時值係全音符嘅卅二分之一。佢嘅長度係十六分音符嘅一半，六十四分音符嘅兩倍。佢個樣係實心卵形，加支柄，柄尾右面加三條尾。如果響中間綫以上，柄向下，三條尾彎上。中間綫或者以下，柄向上，三條尾彎落。如果有幾個八分音符或者十六分音符或卅二分音符音等等之下嘅音符，就會唔畫條尾，每條尾改用支擔連住。
卅二分休止符係同卅二分音符咁長嘅休止符，個樣似個三細7字上下連埋，上7放響第二間同第三間度，下7放響第三同第四間度。
