修頓場館，又叫修頓室內場館、修頓體育館，係香港一個室內體育館，喺灣仔莊士敦道111號地下，修頓中心嘅基座。體育館由香港遊樂場協會管理。
修頓場館有兩代。第一代喺1950年7月開放，係香港第一座室內體育館。到1980年代頭配合起地鐵港島綫嘅工程，館址需要拆卸重建，做咗修頓中心嘅一部份，而體育館獲安置到基座。第二代嘅修頓場館喺1988年啟用，並喺2013年搞過大型翻新。
