入境問禁

出自維基百科,自由嘅百科全書
(由入國問俗跳轉過嚟)

入境問禁唐字成語,意思係去到人哋地方,要問清楚有乜要做,人哋點做開,有乜唔做得、唔講得,以免觸犯人哋。

呢句出自《禮記》《曲禮上》一篇:「入境而問禁、入國而問俗、入門而問諱。」所以就有謂入境問禁、入國問俗等成語。呢處境,係國嘅控制土地。而國呢,就係城入便,而門,就係人哋屋。禁係禁令法例等,俗就係風土人情,諱就係有乜唔講得。

之後最出名嘅例,係孟子遊齊。《孟子》《梁惠王下》第二章第三節有講『臣始至於境、問國之大禁、然後敢入、臣聞郊關之內、有囿方四十里、殺其麋鹿者、如殺人之罪、則是方四十里、爲阱於國中、民以爲大、大亦宜乎。』