八仙飯店滅門案

案發前嘅八仙飯店

八仙飯店滅門案係澳門歷嚟最轟動嘅兇殺案。呢單案發生喺1985年8月4號凌晨，疑兇黃志恆涉嫌殺死咗澳門八仙飯店東主一家九口同埋一名員工，死者年齡由7歲至70歲，黃志恆後來將佢哋碎屍，有一部分丼咗去黑沙海灘畀人發現，而剩低嘅殘肢就唔知去咗邊。當兇案喺第二年畀人爆大鑊之後，黃志恆畀人拉咗去坐監，後嚟喺監倉入面鎅手自殺。

外界盛傳兇手將剩低嘅殘肢撈埋入去啲嘢食度變做人肉叉燒包，而且喺飯店度賣，而單案到底有冇同黨協手，依家依然冇人知。呢單案好多次畀人改編做電影、電視劇、漫畫等等，當中最出名嘅係黃秋生喺1993年拍嘅港產片《八仙飯店之人肉叉燒包》。