公仔麪係香港嘅即食麪牌子，亦都係香港人稱呼即食麪嘅代名詞。公仔麪面市嘅時候，以三分鐘煮熟做噱頭。公仔麪有多種味道選擇。
公仔麪原先由香港永南食品公司生產，後來喺1989年畀日本日清食品收購。香港永南食品公司之後成為日清食品嘅附屬公司，「公仔」依然繼續使用。另外有講法指公仔麪嘅由來係指即食麪出前一丁包裝上嘅卡通公仔「清仔」，而唔係香港永南食品公司生產以人形為商標嘅公仔麪。
依家香港茶餐廳都有公仔麪供應。
